FaktXəbər-in verdiyi məlumata görə, qızıl üzrə mütəxəssis Cim Sinkler Amerikanın Rusiyaya qarşı sanksiyalarının risqli olduğu barədə xəbərdarlıq edib. O, «dollarla  mübarizəyə» bir daha baxmağı təklif edir və Rusiyanın  neft, həmçinin təbii qaz müqabilində istənilən  valyutanı  qəbul edəcəyinə diqqət yönəldir:

«Bu mübarizədir… İnanın ki, onlar  digər valyutadan istifadə edəcəklər. Bu, enerjinin dəyərini də ucuzlaşdırır. Nəyə görə dünya ölkələri öz pulu ola-ola  dollarla ödəniş etsin? Rusiya cavab tədbirləri görə bilər. Və bu ABŞ dollarına fenomenal təsir edəcək. Rusiya Amerika iqtisadiyyatını baş-ayaq edə bilər ki, bu da kollapsla nəticələnər. Bu, onun üçün məsələ deyil. Putinə nüvə silahı lazım deyil, Onun istənilən vaxt istifadə edə biləcəyi «iqtisadi nüvə silahı» var».