Bu gün Xocalı faciəsindən 22 il ötür. Respublikanın hər yerində olduğu kimi Xocalı faciəsi Bakının Səbail rayonunda yerləşən Məmməd Rahim adına 7 saylı orta məktəbdə də anıldı. Məktəbin foyesində təşkil olunmuş Xocalı ilə bağlı sərgidə şagirdlərin soyqırımla bağlı çəkdiyi rəsmlər onların Xocalı haqqında nə düşündüyünü əks etdirirdi.

Xocalı soyqırımının video-görüntüləri sinif otaqlarını sükuta qərq etmişdi. Beşinci sinif şagirdləri Xocalı haqqında şer deyir, müəllimə isə onlara soyqırımla bağlı geniş məlumat verirdi. Xocalı soyqırımının görüntülərinə diqqətlə baxan bu şagirdlərin gözlərində həm düşmənə nifrət, həm də dərin qüssə hiss olunurdu.

FaktXəbər-in suallarını cavablandıran şagirdlər isə düşmənin vəhşiliyini və günahsız insanların öldürüldüyünü qeyd edirdi. Dərsin sonunda isə müəllimə sinif uşaqlarına belə bir sual verdi: “Siz vətən uğrunda canınızı verməyə hazırsınızmı?” Həmin azyaşlı uşaq qətiyyətlə “bəli” dedilər.

FaktXəbər-in 7 saylı məktəbdən hazırladığı video-reportajı təqdim edirik.