Xəbər Lenti

İnfoqrafika

Arxiv

Yazar

28 Yanvar

2014
00:05
Əlilin bacısı: `Qardaşım get-gələ salınırdı, axırda özünü yandırdı`

Yanvarın 27-də Yevlax rayon sakini, 45 yaşlı Nizami Kərimov özünü Sosial Müdafiə Fondunun Yevlax rayon şöbəsinin qarşısında yandırıb.

O, ikinci qrup əlildir.

Nizami Kərimovun bacısı Yazgül Abdullayeva deyir ki, qardaşı çox kasıb yaşayıb. Keçən il sosial müavinət alırmış. Bu il də sosial müavinət almaq üçün müraciət edib. Ancaq onu hər gün get-gələ salıblar: "Qardaşım əlildir, 50 manatdan bir qədər çox pensiya alır. Ayağı iflicdir, get-gedə yeriyə də bilmirdi. Heç haradan gəliri yoxdur. 3 övladı var. Neçə vaxtdır gedib gəlirdi ki, bəs mənə müavinət verin. Balacası 3 yaşındadır. Vermirdilər, deyirdilər get, 10 gündən sonra gəl, 1 aydan sonra gəl, düzlədərik, 6 ayını bizə ver, 6 ay sizin olsun. Bax belə olub. Dünən də getmişdi. Bu səhər də gedib, orada nə deyiblər, nə deməyiblər, qayıdıb benzini götürüb, təzədən gedib özünü yandırıb. Deyirlər vəziyyəti yaxşı deyil. Həkim deyir, vəziyyətinin necə olmasını sizə iki gündən sonra deyə bilərik".

BƏDƏNİN YARISI YANIB...

Yevlax rayon Polis Şöbəsinin növbətçi hissəsindən verilən məlumata görə, hadisə yanvarın 27-si saat 11 radələrində rayonun Heydər Əliyev prospektində qeydə alınıb.

Yevlax rayon Mərkəzi Xəstəxanasından AzadlıqRadiosuna bildiriblər ki, əlilin bədənin 50 faizi yanıb: "Bədəninin ön tərəfi, kürək nahiyəsinin ümumi yuxarı ətrafları-ümumilikdə bədənin 50% termik yanığı ilə xəstəxanaya daxil olub".

Baş həkimin müavini Niyaz Hüseynov deyir ki, hazırda o, xəstəxananın reanimasiya şöbəsindədir.

Sosial Müdafiə Fondunun Yevlax rayon şöbəsi ilə əlaqə saxladıq. Dedilər ki, rəhbərlikdən heç kim olmadığına görə hər hansı məlumat verə bilməzlər.

İCRA BAŞÇISININ MÖVQEYİ...

Ayrı-ayrı KİV-lərdə bu məsələ ilə bağlı Yevlax rayon İcra Hakimiyyəti başçısı Qoca Səmədovun mövqeyi yayılıb. İcra başçısı Nizami Kərimovun keçən ilin oktyabrına qədər sosial müavinət aldığını təsdiqləyib. Başçının dediyinə görə, Nizami Kərimovun sosial vəziyyəti yaxşılaşdığı üçün müavinətin verilməsi dayandırılıb.

Əmək və Əhalinin Sosial Müdafiəsi Nazirliyindən isə məsələnin araşdırıldığını bildiriblər.

CİNAYƏT İŞİ QALDIRILIB

Yevlax rayon sakini Nizami Kərimovun intihara cəhdi ilə əlaqədar Cinayət Məcəlləsinin «özünüyandırma həddinə çatdırma» maddəsi ilə iş qaldırılıb.

Bu barədə AzadlıqRadiosuna işi aparan rayon prokurorluğunun müstəntiqi Asim Yusubov məlumat verib: "Hazırda məsələ araşdırılır. O əlil özünü Sosial Müdafiə Fondunun rayon şöbəsi qarşısında yandırıb. İndi araşdırma aparılır ki, onun özünü orda yandırmasına nə səbəb olub".

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
48100

Növbəti buraxılış imtahanları başlayıb

25

İyun
10:59
ELM / TƏHSİL
46142

AMB-nin valyuta məzənnələri

23

İyun
10:11
İQTİSADİYYAT
47805

Nefti qiyməti bahalaşmağa başlayıb

23

İyun
09:30
İQTİSADİYYAT
47406

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
52958

QMİ yaslarla bağlı xəbərdarlıq etdi

19

İyun
18:10
ÖLKƏ
47019

İyunun 22-də dolların manata qarşı məzənnəsi

19

İyun
17:55
İQTİSADİYYAT
47415
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


28-10-2020 05:56





  [email protected]

Valyuta.com

Рейтинг@Mail.ru