Xəbər Lenti

İnfoqrafika

Arxiv

Yazar

18 Noyabr

2013
14:46
Elxan Şahinoğlu: ” Azərbaycanın həyata keçirdiyi neytral siyasət kifayət qədər çətin bir siyasətdir. Ona görə də yaxın zamanlarda seçim etmək məcburiyyətində qalacağıq”

“Azərbaycanın seçim etməsi o demək deyil ki, hansısa qütb seçdikdən sonra digəri ilə qarşıdurmaya qalxmalıdır. Hazırda Azərbaycan iki tərəfdən müəyyən təzyiqlər altındadır. Belə ki, Rəsmi Bakı Avropa Birliyi ilə Assosiativ anlaşmanı imzalamamaqla yanaşı, Rusiya tərəfindən təklif edilən Gömrük İttifaqına da qoşulmur. Lakin burada iki tərəfdən birini seçmək zərurəti var.” 

 

Bu sözləri FaktXeber.com-a politoloq Elxan Şahinoğlu, Azərbaycanın Rusiya ilə Qərb arasındakı seçimsizliyinə aydınlıq gətirərkən söyləyib.

 

Müsahib bildirdi ki, Ermənistanın da təmsil edildiyi Gömrük İttifaqında Azərbaycanın iştirakı yolverilməzdir: ”Çox güman ki, yaxın aylarda Azərbaycan müəyyən təzyiqlərlə üzləşəcəkdir. Eyni siyasəti davam etdirəcəyimiz halda rəsmi Bakının seçim məsələsi yenidən gündəmə gələcək. Lakin hələ ki, bu istiqamətdə konkret addımlar görsənmir. Nəzərə almaq lazımdır ki, Azərbaycanın həyata keçirdiyi neytral siyasət kifayət qədər çətin bir siyasətdir. Ona görə də yaxın zamanlarda seçim etmək məcburiyyətində qalacağıq.” 

 

Müsahib onu da bildirdi ki, Azərbaycan Avropa ilə Assosiativ sazişi imzalamadıqca Rusiya tərəfində yanlış təsəvvürlər yaranır: “Rusiya tərəfi fikirləşir ki, Azərbaycan sazişi imzalamırsa deməli nədənsə ehtiyat edir və buna görə də təzyiqi gücləndirmək lazımdır. Lakin Azərbaycan Avropa istiqamətində seçim edəcəyi halda isə Rusiya təzyiqləri azaltmaq məcburiyyətində qalacaq. Eyni proseduru Ukrayna və Moldova da keçib. Belə ki, ilk öncə Rusiya sözügedən dövlətlərə təzyiq göstərməsinə baxmayaraq, saziş imzalandıqdan sonra geri çəkilmək məcburiyyətində qaldı. Azərbaycan da eyni addımları atsa Rusiya geri çəkiləcək. Əks halda qarşısında Avropa Birliyini görməli olacaq ki, bu da Rusiyanın maraqlarına ziddir.”

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Sabahın hava proqnozu açıqlandı

18

May
12:52
ÖLKƏ
160

Livan İsraili raketlə vurub

18

May
11:42
DÜNYA
155

Neft yenidən bahalaşıb

18

May
09:25
İQTİSADİYYAT
366

AMB-nin valyuta məzənnələri

18

May
09:11
İQTİSADİYYAT
355
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-05-2021 15:19





  [email protected]

Valyuta.com

Рейтинг@Mail.ru