Xəbər Lenti

İnfoqrafika

Arxiv

Yazar

06 Noyabr

2013
16:46
2083
`Xəzərdə nərə balıqlarının nəsli kəsilmək üzrədir`

İnstitut direktoru: “Xəzəryanı dövlətlər tərəfindən intensiv ovlanma nərəkimilərin ciddi surətdə azalmasına səbəb olur”

Bu gün Azərbaycan Milli Elmlər Akademiyası (AMEA) Rəyasət Heyətinin növbəti iclası keçirilib. Əvvəlcə AMEA-nın prezidenti, akademik Akif Əlizadə tədbir iştirakçılarını gündəlikdəki məsələlərlə tanış edib. O, gündəlikdə ilk təqdim olunan “Azərbaycanda nərə balıqlarının akvakultura şəraitində yetişdirilməsinin elmi problemləri və perspektivləri” adlı məruzənin dinlənilməsini təklif edib: “Alimlərin tədqiqatlarının nəticələrinə əsasən antropogen amillər səbəbindən Xəzər dənizində nərə balıqlarının  nəsli kəsilmək üzrədir. Zoologiya İnstitutu və Ekologiya və Təbii Sərvətlər Nazirliyinin Elmi-Tədqiqat Balıqçılıq Təsərrüfatı İnstitutunun alimləri bu istiqamətdə tədqiqatlarını genişləndirir, dənizin endemik fauna növləri olan nərə balıqlarının tükənməsi probleminin həlli yollarını araşdırıblar”.

Zoologiya İnstitutunun direktoru, AMEA-nın müxbir üzvü İlham Ələkbərov sözügedən tədqiqatlar barədə məruzə ilə çıxış edib. O bildirib ki, yerli və xarici mütəxəssislərin rəyinə görə, son onilliklərdə balıqartırma zavodları tərəfindən dənizə balıq körpələrinin buraxılması nərə balıqlarının çoxaldılmasına fayda vermir: “Xəzərdə nərəkimi balıqların təbii və süni artımının miqyası azalır. Bütün kürüləmə yerlərində, Xəzəryanı dövlətlər tərəfindən balıqlar qanuni və qeyri-qanuni yolla intensiv ovlanır. Bu cür hallar nərəkimi balıqların ciddi surətdə azalmasına gətirib çıxarır”.

İ. Ələkbərov problemin həlli yollarından biri kimi nərəkimilərin akvakultura şəraitində çoxaldılmasını təklif edib: “Bu sahədə dünyada tətbiq edilən ən müasir və səmərəli vasitə qapalı su təchizatı qurğusudur. Təəssüf ki, bu üsul indiyədək Azərbaycanın balıqçılıq təsərrüfatlarında istifadə edilməyib. Bu metodun ölkəmizdə ilk dəfə tətbiq olunması üçün Zoologiya İnstitutunun Mingəçevir laboratoriyasının bazasında analoji təcrübə-istehsalat təsərrüfatının yaradılmasını təklif edirik”.

Təklif müəyyən müzakirələrə səbəb olub. Müzakirələrdən sonra qərara gəlinib ki, elmi baxımdan bu problem işlənilməlidir. Problemlə bağlı proqramın icrası istiqamətində tədbirlər görülməlidir və yenidən layihə hazırlanmalıdır. Bir neçə vaxtdan sonra yenidən Rəyasət Heyəti toplaşıb həmin qərarı müzakirə edib, qərar verməlidir./Apa

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"Azərsu" ASC-nin su boruları oğurlanıb

24

Avqust
14:23
ÖLKƏ
166

Günün qarşılaşmaları TV AFİŞA

24

Avqust
14:14
İDMAN
99

Hövsanda su çatışmazlığı: sakinlər etiraz edir

24

Avqust
14:10
HÜQUQ,HADİSƏ
128

Azərbaycan nefti ucuzlaşıb

24

Avqust
11:42
İQTİSADİYYAT
161

Xəzər dənizində zəlzələ olub

24

Avqust
10:33
HÜQUQ,HADİSƏ
194

Hirkan Milli Parkındakı yanğın tam söndürüldü

24

Avqust
10:10
HÜQUQ,HADİSƏ
185

Şagird sayı 20 nəfərdən az olan 290 məktəb var

23

Avqust
16:09
ELM / TƏHSİL
740

Azərbaycanın xarici dövlət borcu açıqlanıb

23

Avqust
14:39
İQTİSADİYYAT
558
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-08-2019 19:44



  (+994 55) 786-96-84

  [email protected]

Valyuta.com

Рейтинг@Mail.ru