Xəbər Lenti

İnfoqrafika

Arxiv

Yazar

26 Sentyabr

2013
20:37
Paytaxt yol polisi avtobus sürücüləri ilə bağlı xüsusi qrup yaratdı

Qrupa növbətçi hissənin, hərəkətin təşkili hissəsinin və digər şöbə və bölmələrin rəhbərliyi və əməkdaşları daxildir.

Bu gündən etibarən paytaxt ərazisində sərnişindaşıma ilə məşğul olan sürücüllər arasında nizam-intizamın yaradılması və yol-nəqliyyat hadisələrinin sayının minimuma endirilməsi məqsədilə Bakı Şəhər Dövlət Yol Polisi İdarəsi rəhbərliyinin təsdiq etdiyi tədbirlər planına uyğun olaraq idarənin bölmə və şöbə əməkdaşlarından ibarət xüsusi qrup təşkil edilib.

Bu barədə Trend-ə Daxili İşlər Nazirliyinin Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovnik-leytenantı Vaqif Əsədov bildirib.

Bölmə rəisinin sözlərinə görə, qrupa növbətçi hissənin, hərəkətin təşkili hissəsinin və digər şöbə və bölmələrin rəhbərliyi və əməkdaşları daxildir. Adıçəkilən qrup sentyabrın 26-da paytaxt ərazisində avtobus dayanacaqlarında reydlər keçirib. Reydlər Parlament, Mətbuat, Neftçilər, İnşaatçılar, Nəriman Nərimanov prospektlərində, eləcə də Mikayıl Müşfiq və Tağı Şahbazi küçələrində avtobus dayanacaqlarında aparılıb:

"Reydlərdə, əsasən, sürücülük vəsiqəsi və digər lazımi sənədləri olmayan 38 sərnişin avtobusu aşkar edilərək yol hərəkətindən kənarlaşdırılıb və müvəqqəti mühafizə olunan dayanacaqlara aparılıb. Hələlik yoxlamalar zamanı avtobusun qeydiyyat şəhadətnaməsi olmadan idarə edilməsinə daha çox təsadüf edilir, yəni bu sərnişin avtobusları qeydiyyat şəhadətnamələri olmadan xəttə buraxılıb. Bundan başqa, paytaxtın avtobus dayanacaqlarından kənarda, yolların hərəkət hissəsində, ikinci cərgədə dayanmış 108 avtobus sürücüsü barəsində inzibati protokol tərtib edilib. Reydlər zamanı sərnişinlərlə yanacaqdoldurma stansiyasına daxil olduğuna görə 2, eləcə də hərəkət zamanı işıqforun qırmızı işığında hərəkət edən 3, üfüqi nişanlanma xəttinin, yəni "qoşa xətt"in tələbini pozub əks istiqamətli yol zolağına daxil olan 6, yolayrıcıları keçmə qaydalarını pozan 9, nəqliyyat vasitəsini qapıları açıq vəziyyətdə idarə etdiyinə görə 1, texniki baxışdan keçmədiyini görə 8 avtobus sürücüsü barəsində protokol tərtib edilərək inzibati məsuliyyətə cəlb olunublar".

V.Əsədovun sözlərinə görə, plana əsasən, bu gündən etibarən bu istiqamətdə tədbirlərin keçirilməsi mütəmadi davam etdiriləcək:

"Bakı Şəhər Dövlət Yol Polisi İdarəsi sərnişindaşıma ilə məşğul olan hüquqi və fiziki şəxslərə müraciət edərək bildirir ki, yol-nəqliyyat hadisələrinin sayının minimuma endirilməsi və yol hərəkətində təhlükəsizliyin təmin edilməsi məqsədilə avtobus sürücüləri arasında təbliğat işlərinə diqqət artırılsın, dispetçerlər ayrılsın, marşrut boyu dispetçerlərin köməyindən istifadə edərək sürücülərin hərəkətləri nəzarətdə saxlanılsın. Dispetçerlər marşrut boyu avtobusların hərəkətinə nəzarəti gücləndirməli, sükan arxasındakı sürücülərin yolda xəbərsiz dəyişdirilməsinə imkan verməməlidirlər. Belə ki, sürücülər ilk avtobus dayanacağından sürücülük vəsiqəsi ilə çıxır, son dayanacağa çatmamış artıq onların sürücülük vəsiqəsinin olmadığı aşkar edilir. Bütün bunların hamısı sürücülərin nəzarətsiz olduğundan, bir-birilərini özbaşına dəyişdirdiyindən xəbər verir.

Hər halda sərnişindaşımada nizam-intizamın tam yaradılması üçün bu sahə ilə məşğul olan hüquqi və fiziki şəxslərin üzərinə böyük məsuliyyət düşür. Onlar bu problemin kökündən həll edilməsi üçün öz üzərilərinə düşən funksional vəzifələri, işləri yerinə yetirməlidirlər".

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
20247

Növbəti buraxılış imtahanları başlayıb

25

İyun
10:59
ELM / TƏHSİL
18852

AMB-nin valyuta məzənnələri

23

İyun
10:11
İQTİSADİYYAT
20202

Nefti qiyməti bahalaşmağa başlayıb

23

İyun
09:30
İQTİSADİYYAT
19783

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
25311

QMİ yaslarla bağlı xəbərdarlıq etdi

19

İyun
18:10
ÖLKƏ
19766

İyunun 22-də dolların manata qarşı məzənnəsi

19

İyun
17:55
İQTİSADİYYAT
19926
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-08-2020 22:14





  [email protected]

Valyuta.com

Рейтинг@Mail.ru