Xəbər Lenti

İnfoqrafika

Arxiv

Yazar

27 İyul

2013
13:01
Bakı yol polisindən sürücülərə xəbərdarlıq

Bakı yol polisi paytaxtın Füzuli və Mirzəağa Əliyev küçələrinin arasında (Heydər Əliyev Sarayının arxası) inşa olunmuş yeraltı avtomobil dayanacağının tam istifadəyə verilməsindən sonra həmin ərazidə dayanma və durma qaydalarını pozan sürücülərə xəbərdarlıq edib.

Daxili İşlər Nazirliyinin Bakı şəhər Baş Polis İdarəsinin Dövlət Yol Polisi İdarəsinin bölmə rəisi, polis polkovnik-leytenantı Vaqif Əsədov şənbə günü Trend-ə bildirib ki, yeraltı avtomobil dayanacağının yerləşdiyi ərazidəki küçə və yollarda dayanma, durmanı, parklanmanı qadağan edən yerlərdə dayanan avtomobillərin sürücüləri cərimələnəcək.

V. Əsədov bildirib ki, artıq bununla bağlı Bakı yol polisi kütləvi reydlərə başlayıb. Onun sözlərinə görə, həmin ərazidə avtomobillərin yolun kənarında dayanması nəticədə tıxac yaradır.

Qeyd edək ki, iyulun 25-dən paytaxtın Füzuli və Mirzəağa Əliyev küçələrinin arasında inşa olunmuş yeraltı avtomobil dayanacağı tam istifadəyə verilib.

Yeraltı dayanacaq 4500 avtomobil tutumuna, bundan əlavə 37 avtomobil tutumu olan xüsusi bölməyə malikdir. Burada, həmçinin avtoyuma məntəqələri də fəaliyyət göstərir. Dayanacaq üçmərtəbəlidir və ümumi sahəsi 21 hektardır. Mərtəbələrdən ikisi avtomobil dayanacağı, biri isə texniki mərtəbədir. Texniki mərtəbədə digər qurğularla yanaşı, 1200 kubmetr tutumu olan 8 su hovuzu da yerləşir. Yeraltı dayanacaq müasir avadanlıq və sistemlərlə təchiz edilmişdir. Burada ən müasir havalandırma, yanğından mühafizə və təhlükəsizlik sistemləri quraşdırılmışdır. Təhlükəsizliyin və nəzarətin tam təmin edilməsi məqsədilə dayanacaqda 270-ə yaxın kamera qoyulmuşdur. Bundan əlavə, çıxışlar 700 dərəcəyə dözən şüşəbəndlərlə bağlanmışdır. Burada 5 giriş-çıxış mövcuddur. Şəmsi Bədəlbəyli küçəsi yeraltı dayanacağın üzərindən keçdiyindən bu hissə körpü prinsipi ilə inşa edilmişdir.

Məlumat verildi ki, yeraltı avtodayanacaqda 14 lift quraşdırılmışdır. Parkın ətrafında 7 yeraltı keçid inşa edilmiş və 24 eskalatorla təchiz olunmuşdur. Əlillər üçün 8 lift-eskalator fəaliyyət göstərir. Beləliklə, 7 hektar sahəsi olan bu kompleks indi paytaxt sakinlərinin və qonaqların ən sevimli istirahət məkanlarından birinə çevrilmişdir.

Qeyri-rəsmi məlumata görə, dayanacaqda 1 saatın qiyməti 50 qəpik, 8-12 saatın qiyməti isə 2 manatdır.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
18890

Növbəti buraxılış imtahanları başlayıb

25

İyun
10:59
ELM / TƏHSİL
17527

AMB-nin valyuta məzənnələri

23

İyun
10:11
İQTİSADİYYAT
18862

Nefti qiyməti bahalaşmağa başlayıb

23

İyun
09:30
İQTİSADİYYAT
18432

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
23981

QMİ yaslarla bağlı xəbərdarlıq etdi

19

İyun
18:10
ÖLKƏ
18426

İyunun 22-də dolların manata qarşı məzənnəsi

19

İyun
17:55
İQTİSADİYYAT
18560
Şərhlər
Yalcin Memmedov tərəfindən 29-07-2013 01:09:16 tarixində yazıldı
Bakı yol polisindən sürücülərə xəbərdarlıq
camaat benzine pul tapmir 2 manat stayanka pulu hardan tapsin ? guya xalqa vetendashlara xeyirli bir ish gorulubde
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


12-08-2020 22:15





  [email protected]

Valyuta.com

Рейтинг@Mail.ru