Xəbər Lenti

İnfoqrafika

Arxiv

Yazar

27 İyun

2013
12:09
946
Yol polisi sürücülərə xəbərdarlıq etdi!

Avtomobillərdə qəfil alışma hallarının artmasına əsas səbəb avtomobillərin elektrik sisteminə olan kənar müdaxilələrdir. Bu barədə Trend-ə Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovnik-leytenantı Kamran Əliyev bildirib.

Şöbə rəsinin sözlərinə görə, bəzi avtomobil sahibləri və sürücülər nəqliyyat vasitələrinə siqnal, monitor və digər texniki vasitələr quraşdırarkən bunu qeyri-peşəkar ustalara həvalə edirlər ki, bu da sonda xoşagəlməz hallarla, avtomobillərin alışaraq yanması ilə nəticələnir:

"Avtomobilin elektrik sisteminə qoşulan əlavə avadanlıqlar düzgün quraşdırılmadıqda qısa qapanma baş verir. Sürücülər və avtomobil sahibləri nəqliyyat vasitəsinin konstruksiyasında qanunla qadağan olunmuş avadanlıqlar, əhalinin dincliyini pozan səs siqnallarını ümumiyyətlə quraşdırmamalıdırlar. Nəqliyyat vasitəsində istehsalçı zavod tərəfindən nəzərdə tutulmayan hər hansı texniki qurğu, məsələn, televizor, monitor, radioqəbuledici, maqnitofon quraşdırılırsa, belə avadanlıqların quraşdırılması mütləq ixtisaslaşmış xüsusi təmir stansiyalarında həyata keçirilməlidir ki, ona zəmanət verilsin."

Əliyev qeyd edib ki, sürücülər və avtomobil sahibləri unutmamalıdırlar ki, nəqliyyat vasitəsinə qanunsuz qurğuların quraşdırıldığı aşkar edilərsə, onlar inzibati məsuliyyətə cəlb olunacaqlar:

"Avtomobilə məsələn antiradar, çoxavazlı səs siqnalı, sayrışan işıqlar və sair qanunla icazə verilməyən avadanlıqların quraşdırılması aşkar edilərsə, o qurğu, yəni inzibati xətanın bilavasitə predmeti olan alət məhkəmə tərəfindən müsadirə olunur, sürücü özü isə 80 manatdan 100 manatadək cərimə olunur."

Qeyd edək ki, son dövrlər Azərbaycanda avtomobillərin alışma halları artıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Sabah Bakıda 37 dərəcə isti olacaq

19

Avqust
12:34
ÖLKƏ
55

Dünya bazarlarında neft bahalaşıb

19

Avqust
10:33
ELM / TƏHSİL
1088

Bakıda yol polisinin iştirakı ilə zəncirvari QƏZA

19

Avqust
10:32
HÜQUQ,HADİSƏ
426

Xarici valyutaların manata qarşı məzənnələri

19

Avqust
09:38
İQTİSADİYYAT
81
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-08-2019 14:36



  (+994 55) 786-96-84

  [email protected]

Valyuta.com

Рейтинг@Mail.ru