Xəbər Lenti

İnfoqrafika

Arxiv

Yazar

24 İyun

2013
10:08
Ruhani Tale Bağırov məhbəsdən `Azadlıq` qəzetinə yardım etdi - Foto

Hazırda həbsdə saxlanılan ilahiyyatçı alim Tale Bağırovun ad günü dünən “Azadlıq” qəzetinin redaksiyasında da qeyd olunub. Tale Bağırovun Hüquqlarını Müdafiə Komitəsinin üzvləri “Azadlıq” qəzetinə baş çəkiblər. Üstündə Hacının şəkli və adı olan tort “Azadlıq”ın əməkdaşlarına təqdim olunub. Çay süfrəsi ətrafında vicdan məhbuslarının vəziyyəti müzakirə edilib. Komitə üzvləri Tale Bağırov və başqa məhbusları diqqətdə saxladığına görə qəzetin kollektivinə təşəkkürlərini çatdırıblar.

Komitənin sədri Mirqasım Əliyev Tale Bağırovun jurnalistlərə olan salam və sayğısını çatdırıb. Bundan başqa, Tale Bağırov “Azadlıq” qəzetinin ağır maddi durumunu nəzərə alaraq, məhbəsdən yolladığı yardımı da qəbul etməyi xahiş edib.
Mirqasım Əliyev bildirib ki, yardımın miqdarından çox bu təşəbbüsün özü önəmlidir: “Bu hərəkətilə Tale Bağırov hər kəsə nümunə göstərir və o mesajı verir ki, nə qədər ağır vəziyyətdə olsaq da, haqqı deyən adamları, qurumları, qəzetləri qorumalıyıq, onlara sahib çıxmalıyıq”.

“Azadlıq” qəzeti baş redaktorunun birinci müavini Rahim Hacıyev qonaqlara təşəkkürünü çatdırıb. O, “Azadlıq”ın haqqı pozulan, ədalətsizliyə məruz qalan hər kəsin yanında olduğunu bildirdi: “Biz xüsusi fədakarkıq etmirik. Bizim borcumuz günahsız həbsə atılan hər kəsi gücümüz çatan qədər müdafiə etməkdir”.

“Azadlıq”ın kollektivi Tale Bağırovun yardımını mənəvi baxımdan da yüksək qiymətləndirərək, bunun üçün vicdan məhbusuna ayrıca təşəkkürlərini çatdırmağı komitə üzvlərindən xahiş edib. Redaksiyaya edilən bu yardım kollektivin yekdil fikrilə siyasi məhbusların müdafiəsi məqsədilə yaradılan “Demokratiyanı Müdafiə Fonduna” köçürülməsi qərara alınıb.

Məlumat üçün bir daha qeyd edək ki, Taleh Kamil oğlu Bağırov 23 iyun 1984-cü ildə Bakıda anadan olub. Ilk təhsilini 1991-2001-ci illərdə Nəsimi rayonu, 159 saylı orta ümumtəhsil məktəbində alıb. 2002-2007-ci illərdə Azərbaycan Iqtisad Universitetində “Iqtisadiyyatın tənzimlənməsi” ixtisası üzrə qiyabi təhsil alıb. Eyni zamanda, 2005-ci ildən 2010-cu ilə qədər Iran Islam Respublikasının Qum şəhərindəki “Höccətiyyə” Ali Fiqh Hövzəsində ruhani təhsili alıb. 2010-2011-ci illərdə dini təhsilini Iraqın Nəcəf şəhərindəki Elmiyyə Hövzəsində davam etdirib.

Azərbaycana qayıtdıqdan 20 gün sonra hakimiyyətin orta ümumtəhsil məktəblərində tətbiq etdiyi qeyri-qanuni “Hicab qadağası”na qarşı təşkil olunmuş etiraz aksiyasında iştirak etdiyinə görə 1 il 6 ay azadlıqdan məhrum edilib. Cəzasını günəgün çəkərək, 2012-ci il noyabrın 6-da 16 saylı cəzaçəkmə müəssisəsindən azad olunub.

Tale Bağırov həbsdən çıxdıqdan sonra da mübarizəsini davam etdirib, öz kəskin çıxışları ilə hakimiyyətin din və ümumi siyasətini sərt tənqid edib, bu yoldan dönməyəcəyini dəfələrlə bəyan edib.
2013-cü il martın 31-də narkotiklə şərlənərək, yenidən həbs olunub. Istintaqı hələ də davam edir.
Tale Bağırov öz çıxışlarında aşağıdakı məsələlərə toxunmuşdu:
1. Hakimiyyət tağut (qeyri-ilahi mənşəli) və qeyri-legitimdir;
2. Demokratiya adı altında seçkiləri saxtalaşdırmaqla hakimiyyəti öz əlinə almış rejim, siyasi və dini mənsubiyyətindən asılı olmayaraq, bütün vətəndaşların konstitusion hüquq və azadlıqlarını tapdayır;
3. Ölkədəki məmur özbaşınalığı, korrupsiya və rüşvətxorluğa son qoyulmalıdır;
4. Hakimiyyət sosial ədalət prinsiplərinə əməl etməli, təbii və milli sərvətlər vətəndaşlar arasında bərabər şəkildə bölüşdürülməlidir;
5. Ölkədəki qanunsuz həbslər, azad fikirli insanların repressiyalara məruz qoyulması dərhal dayandırılmalıdır;
6. Bütün ölkə vətəndaşlarının hüquqlarına hörmətlə yanaşılmalıdır.

https://1-ps.googleusercontent.com/sx/www.azadliq.info/fbcdn-sphotos-f-a.akamaihd.net/hphotos-ak-ash4/373xNx999319_10201049772382195_1647537302_n.jpg.pagespeed.ic.xtBzGDllCC.jpg

https://1-ps.googleusercontent.com/sx/www.azadliq.info/fbcdn-sphotos-h-a.akamaihd.net/hphotos-ak-frc3/373xNx999529_10201049772022186_945770896_n.jpg.pagespeed.ic.AvJ4Y7-XYU.jpg

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

“UNEC-90 Kitablar arasında keçən ömür”

28

May
12:21
ELM / TƏHSİL
423

Sabahın hava proqnozu açıqlanıb

27

May
13:49
ÖLKƏ
362

Lənkəranda zəlzələ olub

27

May
12:08
ÖLKƏ
337
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


28-05-2020 18:44





  [email protected]

Valyuta.com

Рейтинг@Mail.ru