Xəbər Lenti

İnfoqrafika

Arxiv

Yazar

25 May

2013
23:05
Avtobus sürücüləri yeni sistemə üsyan edir: `Neynirəm ayda 500 manatı?`
Bəzi sürücülər və sərnişinlər kart sisteminin işləməyəcəyini deyirlər

Bakı sərnişin nəqliyyatında çoxdan gözlənilən bir sistem ilin sonlarına yaxın işə düşəcək. Artıq avtobuslarda gediş haqqı nağd pul ilə deyil, plastik kartlarla ödəniləcək. Bununla əlaqədar paytaxtdakı bir çox avtobuslarda validatorlar quraşdırılıb. Lakin bəzi sürücülər və sərnişinlər həmin sistemin də işləməyəcəyini deyirlər. Sürücülər deyirlər ki, bu sistem ancaq onları incitmək üçün yaradılıb.

İntiqam adlı sürücü ANS PRESS-ə bildirib ki, sistem işə düşəndən sonra həm sərnişinlərin, həm də sürücülərin işi üçün problemlər yaranacaq. “İndi gündə sürücüyə 30-50 manat pul qalırsa, onda heç bir manat da qalmayacaq. Guya bizə aylıq maaş verəcəklər? Neynirəm ayda 500 manatı? Həmin 500 manat onların özlərinə verilsə, gəlib bizim kimi zülüm çəkərlər? Əlbəttə ki, yox”, - deyə İntiqam bildirib.

Digər sürücü Təvəkkül Əliyev isə kartla ödəniş sisteminin də başqa xidmətlər kimi işləməyəcəyini deyir: “2 ildir gətirib avtobuslara monitor quraşdırıblar. Heç çürük qoza da dəymir. Nə xeyri var. Boş-boşuna pul dağıdırlar. Kart sistemi də işləməyəcək”.

Sərnişinlərdən də kart sistemi ilə avtobuslarda gedişhaqqının ödənilməsinin mümkünsüz olacağını düşünən var. Onlar görülən işlərin sadəcə gözən pərdə asmaq olacağını deyirlər. Lakin sahibkarlar bunun əksini düşünür. “Çinar-Trans” MMC şirkətinin rəhbəri Etibar Manafovun ANS PRESS-ə verdiyi məlumata görə, artıq validatorların quraşdırılmasına başlanıb.

“Artıq bizim 13 saylı xəttimizdəki 19 avtobusa quraşdırılıb. 88 saylı avtobuslara da quraşdırılacaq. Ümumiyyətlə mən kartla ödənişin çox yaxşı olacağını düşünürəm. Sürücünün əlinə pul dəyməyəcək. Bu zaman həm də qəzaların sayı azalacaq. Sürücülər 5 manat artıq qazanmaq üçün camaatın həyatını təhlükəyə atmayacaqlar”, - deyə Etibar Manafov bildirib.

Nəqliyyat Nazirliyi də görülən işlərin tezliklə yaxşı nəticə verəcəyini bildirir. Nazirliyin mətbuat xidmətinin rəhbəri Namiq Həsənovun ANS PRESS-ə verdiyi məlumata görə, ilin sonuna qədər kartla ödəniş sisteminin tətbiqinə başlanılacaq. Gələn ilə qədər bu ödəniş nağd ödənişlə paralel həyata keçiriləcək. Gələn ildən isə artıq Bakıda tam olaraq kartla ödəniş sisteminə keçiriləcək.

“105 avtobusda quraşdırılıb. Yaxın 10 gün ərzində daha 400 avtobusa quraşdırılacaq. Validatorların Türkiyədən gətirilməsi prosesi gedir. Bu müddətdə vaxt boş getməsin deyə, biz avtobuslarda kabelləri quraşdırırıq. Yerlər hazırlanır. Aparatlar gətirilən kimi dərhal hazır yerlərinə quraşdırılacaq. 500-ə yaxın avtobusda quraşdırılandan sonra artıq kartla ödənişin tətbiqinə başlayacağıq. Hələlik 29 marşrutda bu sistemin tətbiqi nəzərdə tutulub”, - deyə Namiq Həsənov bildirib.

Qeyd edək ki, bu kartlardan vasitəsilə nəinki avtobuslarda, hətta metroda da istifadə olunacaq. Bundan başqa, bu kartlar vasitəsilə bəzi dükan və iaşə obyektlərində də istifadə mümkün olacaq. Həmin kartları paytaxtın hər bir yerindən almaq mümkün olacaq. Kartların qiyməti 2-3 manat civarında dəyişəcək.

Hazırda kartların hazırlanması prosesi gedir. Yaxın günlərdə həmin kartlar istifadəyə veriləcək. Heç olmasa 500 minə yaxın kart buraxılmalıdır ki, bu sistemə keçə bilək.

“Bu sistem vətəndaşların rahatlığına xidmət edəcək. Təxminən həmin kartların istifadəsi üçün 5 minə yaxın məntəqə quraşdırılıb. Həmin nöqtələrdə vətəndaşlar kartlardan istifadə edə biləcək. Bu ödəmə sistemi vasitəsilə sərnişinlərlə sürücülərin arasında nağd pul istifadəsi aradan qalxacaq”, - deyə Namiq Həsənov bildirib.

Sonda ümid edirik ki, sərnişin nəqliyyatda kartla ödəmə sistemi doğrudan da öz bəhrəsini yaxşı mənada verəcək. Bəlkə bu zaman Bakının avtobuslarındakı nöqsanlar aradan qalxdı.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
16213

Növbəti buraxılış imtahanları başlayıb

25

İyun
10:59
ELM / TƏHSİL
14862

AMB-nin valyuta məzənnələri

23

İyun
10:11
İQTİSADİYYAT
16261

Nefti qiyməti bahalaşmağa başlayıb

23

İyun
09:30
İQTİSADİYYAT
15875

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
21244

QMİ yaslarla bağlı xəbərdarlıq etdi

19

İyun
18:10
ÖLKƏ
15769

İyunun 22-də dolların manata qarşı məzənnəsi

19

İyun
17:55
İQTİSADİYYAT
15900
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


09-08-2020 12:19





  [email protected]

Valyuta.com

Рейтинг@Mail.ru