
Azərbaycan yol polisi hesab edir ki, avtoxuliqanlığa qarşı mübarizənin effektivliyini artırmaq üçün cəzalar sərtləşdirilməlidir.
"Avtoxuliqanlıq edənlər yollarda nəqliyyat vasitələri ilə yanaşı, kənarda dayanan piyadalara, digər yol hərəkəti iştirakçılarına xəsarət yetirir, maddi zərər verirlər. Avtoxuliqanlıqla bağlı maarifləndirmə işləri aparılır, cəzalarla bağlı məlumat verilir, amma bu da təsir göstərmirsə, sözsüz ki, burada ancaq məsuliyyətin sərtləşdirilməsindən danışmaq olar", - bunu cümə günü Trend-ə Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev deyib.
Onun sözlərinə görə, inzibati məsuliyyət avtoxuliqanlarla mübarizədə effektli nəticə vermir.
"Düşünürük ki, məsuliyyyətin gücləndirilməsi, sərtləşdirilməsi bu növdə olan ciddi qayda pozuntularının və xuliqanlıq hərəkətlərinin qarşısının alınmasında müsbət rol oynayacaq", - şöbə rəisi bildirib.
Şöbə rəisi bir sıra millət vəkillərinin avtoxuliqanların azadlıqdan məhrum edilməsinə dair ölkə qanunvericiliyinə dəyişiklik edilməsi zəruriliyi haqqında təkliflərini dəstəkləyərək, avtoxuliqanlığa görə cinayət məsuliyyətinin müəyyən edilməsinin tərəfdarı olduğunu bildirib.
"Sözsüz ki, getdikcə Azərbaycanda avtoxuliqanlıqla bağlı inzibati məsuliyyətdə də sərtləşmələr oldu. Sonuncu dəfə ötən il dekabrın 1-də 296-1-ci (Xırda xuliqanlıq) maddəyə müəyyən dəyişikliklər edildi. Düşünürəm ki, qanunvericilikdə bu məsuliyyət bir qədər də sərtləşsə və cinayət məsuliyyəti müəyyən edilsə, əlbəttə, avtoxuliqanlığa yol verən insanların sayı hədsiz dərəcədə azalar. Hər halda cinayət məsuliyyəti inzibati məsuliyyət deyil. İnzibati məsuliyyət olanda fikirləşirlər ki, cərimədir. Hansısa yolla ödəyib canımızı qurtara bilərik, amma cinayət məsuliyyəti belədir ki, insanın azadlıqdan məhrum olunma məsələsi olduğuna görə məhz bu məsuliyyət bir çox gəncləri etdikləri hərəkətlərdən çəkindirər", - Əliyev bildirib.
Şöbə rəisi bildirib ki, ötən il 503 avtoxuliqan aşkar edilib və onların hamısı inzibati məsuliyyətə cəlb olunub.
Onun sözlərinə görə, əvvəlki illərlə müqayisədə ötən il avtoxuliqanların sayı azalsa da, ümumilikdə belə halların çoxluğu narahatlıq doğurur.
Əliyevin sözlərinə görə, yol polisi avtoxuliqanlıq hərəkətlərinə qarşı məsuliyyətin sərtləşdirilməsinin həmişə tərəfdarı olub.
"Bu, bilərək törədilən xuliqanlıq hərəkətləridir. Belə hərəkətlər ümumilikdə cəmiyyətə hörmətsizlik əlaməti olmaqla yanaşı, adamların, ətrafdakı hərəkət iştirakçılarının həyatlarına real təhlükədir. Bu səbəbdən də belə hərəkətlərə yol verən şəxslərin məsuliyyətinin gücləndirilməsi şübhəsiz ki, bu növdən olan xətaların qarşısının alınmasına öz müsbət təsirini göstərir", - şöbə rəisi bildirib.
O bildirib ki, vaxtilə SSRİ dövründə sərxoşluqla bağlı daha ciddi cəza görülürdü deyə, sərxoş sürücülərin sayı çox olmurdu.
"Məsələn, nəqliyyat vasitəsinin il ərzində ikinci dəfə sərxoş halda idarə olunmasına görə hətta avtomobil də müsadirə olunurdu. Buna görə də insanların çoxu o məsuliyyətin daha çox olması səbəbindən çəkindikləri üçün belə hərəkətlərə yol vermirdilər", - deyə Əliyev avtoxuliqanlıqla bağlı cəzaların sərtləşdirilməsinin labüdlüyünü vurğulayıb.
Qeyd edək ki, İnzibati Xətalar Məcəlləsinin 296-1.1.-ci maddəsinə görə, avtoxuliqanlıq, yəni nəqliyyat vasitəsinin sürücüsü tərəfindən ictimai qaydanı və əhalinin dincliyini nümayişkaranə şəkildə pozan, cəmiyyətə açıqca hörmətsizlik ifadə edən, yol hərəkəti qaydalarının müxtəlif üsullarla davamlı olaraq pozulması ilə müşayiət olunan qərəzli hərəkətlərə görə, nəqliyyat vasitələrini idarə etmə hüququ bir ilədək müddətə məhdudlaşdırılmaqla dörd yüz manatdan altı yüz manatadək miqdarda cərimə edilir və ya nəqliyyat vasitələrini idarə etmə hüququ bir ilədək müddətə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla on günədək inzibati həbs tətbiq olunur.
296-1.2.-ci maddəyə görə isə eyni hərəkətlərin il ərzində inzibati tənbeh almış şəxs tərəfindən təkrar törədilməsinə görə nəqliyyat vasitələrini idarə etmə hüququ bir ildən iki ilədək müddətə məhdudlaşdırılmaqla altı yüz manatdan səkkiz yüz manatadək miqdarda cərimə edilir və ya nəqliyyat vasitələrini idarə etmə hüququ bir ildən iki ilədək müddətə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla on beş günədək inzibati həbs tətbiq olunur.

Azərbaycanda vəzifəli şəxsin cinayət başında yaxalanma görüntüləri - ANBAAN VİDEO
25
İyun
Səudiyyə şahzadəsinin qonaqlığında: 39 vanna otağı olan Los Angelesdəki villa - FOTO
25
İyun
Dövlət qulluğuna qəbulla bağlı müsahibələrdə iştirak üçün qeydiyyat müddəti uzadıldı
25
İyun
Bakı xəstəxanasından: "Rentgenə baxırsan, pasiyentin ağciyərləri, sadəcə, yoxdur" - FOTO
25
İyun- 25-06-2020 14:45 Nazirlər Kabineti xəbərdarlıq etdi: Məhdudiyyətlər sərtləşdirilir - RƏSMİ
- 25-06-2020 11:58 Dövlət qulluğuna qəbulla bağlı müsahibələrdə iştirak üçün qeydiyyat müddəti uzadıldı
- 25-06-2020 11:57 8103 SMS icazə sistemi ilə bağlı dəyişiklik edilib
- 25-06-2020 11:09 AMEA-da iş saatı dəyişdirildi
- 23-06-2020 09:43 Operativ Qərargah sərtləşdirilmiş xüsusi karantin rejimində KİV-in fəaliyyətinə dair məlumat yayıb
- 19-06-2020 18:22 Azərbaycanın sərhədləri bu tarixə kimi bağlı qalacaq
- 19-06-2020 18:10 QMİ yaslarla bağlı xəbərdarlıq etdi
- 19-06-2020 17:46 İbrahim Məmmədov: "KİV də icaze.e-gov.az-da qeydiyyatdan keçməlidir"
- 19-06-2020 17:39 Sərt karantin rejimində fəaliyyətinə icazə verilən sahələr
- 19-06-2020 17:20 SMS icazə bu formada göndəriləcək - RƏSMİ
- 19-06-2020 17:19 Xüsusi karantin rejimində yaşayış yerini tərk etmə qaydaları açıqlandı
- 19-06-2020 17:13 Sərt karantin rejimində bu yerlər işləməyəcək
- 19-06-2020 16:39 Baş Nazir karantin rejiminin müddətinin uzadılması barədə qərar imzalayıb
- 19-06-2020 16:10 Babək qəsəbəsinə şəhər, Nehrəmə isə qəsəbə statusu verildi
- 19-06-2020 15:38 İki rayona xanım prokurorlar təyin edilib - Azərbaycanda ilk
- 19-06-2020 15:27 Bakı şəhərinin rayonlarına prokurorlar təyin olundu
- 19-06-2020 13:58 İcra başçısının koronavirusa yoluxan müavininin vəziyyəti ağırlaşıb
- 19-06-2020 13:40 Milli Məclisdə Erkin Qədirliyə irad tutulub
- 19-06-2020 13:29 Kimlərə maaşdan əlavə pul veriləcək?
- 19-06-2020 13:18 Bakı İdman Sarayı pandemiya xəstəxanasına çevrilməyə hazırdır
- 19-06-2020 13:07 20 iyunda gözlənilən hava şəraiti
- 19-06-2020 12:59 İcra başçısı koronavirusa yoluxdu
- 19-06-2020 12:41 Nazir: “İki həftəlik sərt karantin rejimi ilə bağlı müvafiq qərarlar qəbul olunacaq”
- 19-06-2020 12:29 “Azərişiq” karantin günlərində gücləndirilmiş rejimdə işləyəcək
- 19-06-2020 12:08 DMX əcnəbilərə müraciət etdi