Xəbər Lenti

İnfoqrafika

Arxiv

Yazar

27 Noyabr

2012
12:26
1123
500 manatlıq əsginaslar inflyasiya yaradacaqmı?
Vüqar Bayramov: "Orta aylıq əmək haqqı 400 manatda az olan ölkədə 500 manatlıq əsginasın dövriyyəyə buraxılması ciddi qəbul edilə bilməz"

Dövriyyəyə iri nominalda əsginasların buraxılması məsələsi yenidən gündəmə gəlib. Mərkəzi Bankın (MB) əsaslandırmasına görə, daha böyük nominalda əsginasların buraxılması ölkədə pul dövriyyəsini daha effektiv etmək və dövlət xərclərini azaltmaq məqsədini güdür. Belə ki, hazırda ölkədə yuxarı nominallı əsginasların xüsusi çəkisi həddindən artıq çoxalıb. Belə şəraitdə dünya praktikasındaki kimi əlavə olaraq böyük nominalda əsginaslar buraxılmalıdır ki, yuxarı nominallı əsginaslara düşən yük aradan qalxsın. Yeri gəlmişkən onu da bildirək ki, MB 200 və 500 nominallı əsginaslar buraxmaqa hazırlaşır.

İqtisadi və Sosial inkişaf Mərkəzinin rəhbəri Vüqar Bayramov FaktXeber.com-a açıqlamasında bildirdi ki, pul dövriyyəsinə iri nominallı əsginasların buraxılması üçün real iqtisadi zəmin yoxdur: “Əvvəla ölkədə orta aylıq əməkhaqqı 400 manat təşkil edir. Dünyanın heç bir ölkəsində isə əsginasın dəyəri orta aylıq əməkhaqqıdan çox deyil. 1 əsginasın dəyərinin orta aylıq əməkhaqqıdan yüksək olması təkcə iqtisadi deyil, psixoloji baxımdan da acınacaqlı haldır. Digər tərəfdən dövriyyəyə 500 manatlıq əsginasların buraxılmasının əsasları yoxdur. Azərbaycan bu məsələdə Avrozona ilə müqayisə oluna bilməz. Çünki Avropa Birliyində orta aylıq əməkhaqqı 3800 avro təşkil edir.Göründüyü kimi, orta aylıq əməkhaqqı dövriyyədə olan ən yüksək dəyərli əskinasdan 8 dəfə çoxdur. Buna görə də, Azərbaycanda əskinasların nominallarını Avropa ölkələri ilə müqayisə etmək doğru olmazdı”.
Vüqar Bayramov bildirib ki, dünyanın ən güclü iqtisadiyyatına malik ola ABŞ-da dövriyyədə olan ən yüksək əskinas 100 dollardır. Bu ölkədə xüsusi hesablaşmalar üçün 1000 dollarliq əskinaslardan istifadə edilir, amma bu ümumi dövriyyəyə buraxılmır. Dünyada valyuta ehtiyatlarının 65 faizini ABŞ valyutası  ilə saxlanmasına baxmayaraq Federal Ehtiyatlar Bankı əskinasların üzərində rəqəmləri artırmağa tələsmir. Maraqlıdır ki, ABŞ-dan fərqli olaraq Azərbaycan Mərkəzi Bankı dövriyyəyə daha yüksək nominalı olan pullar buraxmaq niyyətindədir”.

İqtisadçı-alim bildirib ki,  Azərbaycan manatı yalnız ölkə daxilində yığı1m vasitəsidir. Baxmayaraq ki, manatdan fərqli olaraq avro həm Avropa Birliyində, həm də kənarda yığım vasitəsi kimi istifadə edilir. Nəticədə iri məbləğli əsginasların avro ilə yığımı sürətlənir. O baxımdan iri əsginasların dövriyyəyə buraxılmasının manatla yığımın artırılması məqsədi daşıdığına dair arqumentlər real ola bilməz. Hətta əsas yığm vasitəsi olan ABŞ dolları da daha aşağı nominallı əskinaslar ilə öz funksiyasını bütün valyutalardan daha yaxşı yerinə yetirir”.

Vüqar Bayramov bildirib ki, ölkədə nağdsız hesablaşmaların stimullaşdırılmasının piortet olduğu zamanda iri əsginasların dövriyyəyə buraxılması nağdlı hesablaşmaların artmasına səbəb olacaq: “Bu addım pulun alıcılıq qabiliyyətinin aşağı düşməsi tendensiyasını sürətləndirəcək. Dövriyyədə yüksək nominallı əskinasların olması həm psixiloji, həm də iqtisadi baxımdan istehlak bazarına neqativ təsir göstərəcək”.

İSİM rəhbəri əlavə edib ki, iri əsginasların dövriyyəyə buraxılmasının istehlak bazarına psixoloji təsirlərinə də toxunub. Qeyd edib ki bu prsoses istehlak bazarında gərginliyin yaranmasına səbəb ola bilər: “İri əsginasların dövriyyəyə buraxılması istehlak bazarında qiymətlərin artımına, pulun alıcılıq qabiliyyətinin aşağı düşməsinə gətirib çıxarır. Bu baxımdan iri nominallı əskinasların inflyasiya yaradacağı, təəssüf ki, qaçılmaz olacaq”.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan neftinin qiyməti 62 dollara yaxınlaşıb

17

Avqust
13:00
İQTİSADİYYAT
92

Sabah Bakıda 34 dərəcə isti olacaq

17

Avqust
11:09
ÖLKƏ
952

Dünya bazarlarında neft bahalaşıb

17

Avqust
10:12
İQTİSADİYYAT
165

Turistlərə Xınalıqla bağlı xoş xəbər

16

Avqust
14:51
İQTİSADİYYAT
320
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-08-2019 19:05



  (+994 55) 786-96-84

  [email protected]

Valyuta.com

Рейтинг@Mail.ru