Əvvəli http://faktxeber.com/yazar_25_205_B601351601ri%20nizamlar305n%20sonu%20art305q%20yax305nla351305b.html

Yüksəlmə və suverenlik müddətlərini dolduran xalqlar, əxlaqi degenerasiyaya uğrayınca, Allahın cəzasını qazanarlar, ya tamamilə həlak edilib tarix səhnəsindən silinər və ya suverenliklərini itirərlər .

"Əlbəttə, sizdən öncə ilahi ənənəyə əsasən (kütləvi məhv etmələr) bir sıra hadisələr ötüb keçmişdir. Odur ki, yer üzündə gəzib-dolanın və təkzib edənlərin aqibətinin necə olmasına baxın." ("Ali İmran" surəsi, ayə 137)

Zalım və istismarçı dünya dövlətlərinin zəngləri çalınır

Hakimiyyət, rəhbərlik küfrlə davam edə bilsə də, zülmlə davam etməz. Tarix bu həqiqətin hər əsrdəki şahididir. 20 il əvvəl Əfqanıstan işğalı və oradakı zülmlərdən dərhal sonra Sovetlər Birliyi yıxılmışdı, indi İraq və Əfqanıstan işğalıyla Amerika intihar ipini öz boğazına keçirməkdədir.

Yalnız Amerika deyil çökmə müddətinə girən; onun rəhbərliyi altında olan zalım və istismarçı dünya dövlətlərinin də zəngləri çalınır. Bütün bəşəri nizamlar müflisləşir. Zülmlə çox uzun müddət payidar qalmış tək bir dövlət göstərilə bilməz. Mülkün təməli ədalətdir, binanın təməli yıxılınca bina da özbaşına çökəcək. Bu İlahi bir qanundur. Zülm və istismar bir rəhbərlikdə əsas olunca, böhranlar İlahi bir xəbərdarlıq olaraq yaxınlaşan faciəvi sonu xəbər verir.

ABŞ-da başlayıb onunla eyni yatağa girən, onunla əlaqə içindəki "ABŞ"ları (qulları) arasında sürətlə yayılan iqtisadi böhran adlı öldürücü virus, yalnız iqtisadiyyatı deyil, bütün xəstəlikli bəşəri ideologiya və nizamları ölümə məhkum etməkdədir. Sosioloji İlahi qanun qışqırmaqdadır ki, gücün haqlılığı deyil, haqlının güclülüyü ortaya çıxacaq. İnsanlara davamlı istehlak etməyi və tükənməyi təşviq edən, israf və faizə söykənən istismar nizamı olan Kapitalizm son çırpınışlarıyla S.O.S. siqnalları verməkdədir. Quantanamo və Əbu-Qureyblərdəki işgəncə mühitinin, İraq və Əfqanıstan işğalının və bütün dünya insanlarını filmləriylə yatırdıb, kokain kimi keyidərək kölələşdirən bir zehniyyətin suverenliyi əlbəttə uzun sürməz.

Yaxınlarda canavar, öz uşaqlarını yeyərək həyatını davam etdirməyə çalışacaq

Elə indidən, böhran yarasını sarımaq üçün xərclənən əməliyyat xərci 4 trilyon dollara çatıb. ABŞ-ın ayırdığı miqdar 1.3 trilyon dollara yüksəlib. Yalnız Avropanın ayırdığı miqdar 2,5 trilyon dollardır. Almaniyanın ayırdığı miqdar 680 milyard dollar. Bu rəqəmlər böyüyəcək. Allah üçün, insanlıq üçün, acların doyması, susuzların suya qovuşması üçün xərclənməyən pullar, haralara və kimlərə gedir? Bu pullar istehsala, qidaya, insanların həyat standartını qorumağa getmir. Haram pullar pul ataları tərəfindən xortumlanır. Kapitalizm öz nizamından bəslənərkən, bir tərəfdən də öz rejiminin sonunu gətirən "böyük şirkət" və "bank" adlı vampirləri bəsləməyi həll yolu sanır. Qurtarma paketləriylə qurtarılanlar da, çöküşün hazırlayıcılarıdır. Cəlladını qurtarmağı qurtuluş sanır, həlakını gözləyən Qərb. Xalqdan alacağı əlavə vergilərlə və dünya ölkələrindən götürəcəyi borclarla böhranın səbəbkarı böyük şirkətləri və bankları qurtarma dərdindədirlər. İnsanın çaşmağına bənzəyir; atəşə benzin daşıyıb tökərək, yanğını söndürəcəyini zənn edər. Yaxınlarda canavar, öz uşaqlarını yeyərək həyatını davam etdirməyə çalışacaq; qeyri-qanuni uşaqlarına eşitdirilir. Sual oluna bilər: "bunlar kimlərdir?". Atalarının Buş olduğunu söyləyən tağutları tanımaq, bu gün o qədər də çətin deyil. Azacıq diqqət kifayətdir. Bir problem onda ola bilər ki, artıq onların bəziləri "sənədlərini" dəyişdiriblər və yeni atalarının adı Obama olaraq təxmin edilir, kim bilir bəlkə də Mak Keyndir.

Amerika özüylə birlikdə Asiyanı, Avropanı, Latın Amerikasını çökdürür

Baxın super güc(!) Amerikanın halına; iqtisadiyyat batmış vəziyyətdə. Heç bir ölkə ABŞ iqtisadiyyatına xilas üçün qaynaq axtarmır. Yüz minlərlə insan işsizlik durumundadır.

Banklar batır, nəhəng şirkətlər çökür, ABŞ bütün dünyadan pul dilənir. Bir gündə birjalarda 1 trilyon dollar itirilir. Xarici borc 10 trilyonu aşıb.

1973-cü ildən bu yana sənaye iqtisadiyyatdan maliyyə iqtisadiyyatına keçən ABŞ-ın yenidən köhnə halına dönməsi çətindir. Çünki sərmayəsi buna icazə verməyəcək. 1973-cü ildən bu yana, nələrin baş verdiyinə qısaca bir nəzər yetirək: təxminən 17 min ABŞ şirkəti xaricilərə satılmış, dəmir-polad, tekstil, avtomobil, elektronik sənaye sürətlə geriləmiş. Yalnız 2007-ci ildə Çindən 321 milyard dollarlıq mal alınmış, 62 milyard dollarlıq satılmış. 2000-2005-ci illər arası 3 milyon yüksək ödənişli işçi itkisi yaşanmış. Yalnız bu ilin fevral ayında 63 min adam işini itirmiş. İxracatının yüzdə 20-ni ABŞ daxilindəki xaricilər edir. 2004-cü ildə Çin və Hindistan 950 min mühəndis yetişdirərkən ABŞ yalnız 70 min yetişdirə bilmiş.

Sadalanan faktlar beləcə davam edir. Onu da unutmayaq, seçki dövründə Respublikaçı namizədi dəstəkləyən şirkətlərlə Obamanı dəstəkləyən şirkətlər az qala eyni idi.

21-ci əsri maddi rifah içində keçirəcəyini sanan ABŞ xalqının rifah səviyyəsi sürətlə gərilir. Dünya, "Amerika necə xilas olar"ı müzakirə edərkən o, özüylə birlikdə Asiyanı, Avropanı, Latın Amerikasını çökdürür. Çöküşünün maddi zərərini dünyaya faktura etməyə çalışır. Təhdid və şantajlara müraciət edir.

davamı var