FaktXeber.com-un “Washingtonsblog.com”a istinadən verdiyi məlumata görə, 11 il öncə Əfqanıstan və İraqa hücum məqsədiylə 11 sentyabr hadisəsini törədən ABŞ və İsrailin kəşfiyyat xidmətləri, indi də buna bənzər terror aktı həyata keçirmək fikrindədirlər. Bununla bağlı sayt etibarlı mənbələrə istinad edərək, yazır: “Bəzi ABŞ rəsmilərinin verdiyi məlumata görə, İsrail İranda hazırkı hakimiyyəti devirmək istəyən terrorçulara təlim keçərək, onlardan öz məqsədləri üçün istifadə edir. İsrail əlaltıları vasitəsilə İranın nüvə silahına malik olmasına dair saxta faktlar hazırlamaq niyyətindədir.”

ABŞ-ın sabiq Milli Təhlükəsizlik müşaviri Zed Bernovski isə (80-cı illərdə Əfqanıstanda Sovet İttifaqı ilə mübarizə aparmaq üçün terrorçu əl-Qaidə təşkilatının banisi) Senatda çıxışı zamanı bildirib ki, “ABŞ-da terror hadisəsi həyata keçirilərək İranın günahlandırılması ehtimalı var. Bununla İrana qarşı hücuma bəhanə yaratmaq istəyirlər”.

MKİ-nin sabiq yüksək çinli zabitlərindən olan, ABŞ Dəniz Qüvvələri Kəşfiyyat İdarəsinin ikinci adamı sayılan Robert Deyvid Steel mövzu ilə bağlı açıqlamasında belə deyib: “ABŞ hökumətində bəziləri, təxribatçı əməliyyat plan hazırlayaraq günahını İranın boynuna atmaq istəyirlər”.

MKİ-nin digər yüksək çinli rəsmisi, Üsəma Bin Ladenin tutulması əməliyyatına başçılıq etmiş Michael Scheuer də “İsrail və Amerika İrana quyu qazaraq yeni bir müharibə odunu alovlandırmaq istəyirlər”, - deyə söyləyib.

“Pulitzer” mükafatı laureatı Seymur Herş də sözügedən planla bağlı mövqeyini bildirib. Onun sözlərinə görə, bu barədə müxtəlif fikirlər mövcuddur. Onlar arasında qayıqların hazırlanmasına işarə etmək olar. Bu plana əsasən, İran qayıqlarına oxşar katerlər hazırlanaraq onlardan müəyyən hədəflərə hücum məqsədiylə istifadə olunacaq.

“Bruklin” müəssisəsi 2009-cu ildə hazırladığı “Fars diyarına hansı yol gedir” adlı hesabatında belə yazır: “Yaxşı olar ki, ABŞ İranı təhrik edə biləcək işlər görsün. Və bu yolla İrana havadan hücum etmək üçün bəhanə yaratsın. Xatırladaq ki, Amerika İranı bu oyuna çəkmək üçün bir çox çətinliklərlə qarşı-qarşıyadır. Çünki kiçicik bir səhv beynəlxalq ictimaiyyəti məsələnin əsl mahiyyətindən agah edə bilər.”

Əziz Sahiboğlu