Xəbər Lenti

İnfoqrafika

Arxiv

Yazar

23 İyun

2020
17:45
`Düşmənə qarşı hamılıqla səfərbər olmalıyıq` - Hacı Mövsüm Səmədov

"Xalqımızın istiqlaliyyətini və gələcək müqəddəratını qorumaq hər birimizin üzərinə məsul bir vəzifə qoyur"

Dünən Hacı Mövsüm Səmədovun vəkili onunla görüşüb. M.Səmədov dünyada və ölkəmizdə baş verən hadisələrə münasibət bildirib. Onun fikirlərini oxucularımıza çatdırırıq:

"Dünyanın güc mərkəzləri birmənalı olaraq qlobal problemlərdən öz məqsədləri üçün həmişə sui-istifadə etməyə cəhd göstərmişlər. Qlobal istiləşmə, daşqınlar, müxtəlif növ xəstəliklərin geniş yayılması sonda hansısa qütblərin dünyaya diktəsi ilə nəticələnmiş və ya iqtisadi, maliyyə maraqlarının genişlənməsinə səbəb olmuşdur. Agah xalqlar və dövlətlər bu kimi fitnə-fasadların bir sıra hallarda məqsədli şəkildə və süni yollarla yaranmasını müşahidə edir, İlahi təqdirata söykənərək yaranmış böhranlardan itkisiz və ya az itki ilə çıxmağı bacarmışlar.

COVİD-19 pandemiyası ilə bağlı baş verən hadisələr insanları nəinki virusun vurduğu zərərlərdən və gətirdiyi bəlalardan xilas olmaq barədə düşündürür və narahat edir, hazırda bəşəriyyəti daha çox postpandemiya dövründə baş verəcək hadisələr narahat edir. Xüsusən karbohidrogen ehtiyatlarına malik ölkə və xalqlar hədəf olaraq nəzərdən keçirilir.

İşğalçı və istismarçı siniflər, güc mərkəzləri ədalətsiz müharibələrə ara versələr də yeni dünya düzəni üzərində dərin dövlət siyasətlərini bir an belə arxa plana keçirmirlər. Rokfellər, Corc Soroslar işğalçı rejimlərin himayədarları kimi qəsb olunmuş ölkə və bölgələrin təbii sərvətlərinə sahib olmaq üçün yeni layihələr üzərində çalışırlar. Bu haqda kifayət qədər danışılıb və yazılıb.

Məqsədim əlbəttə, bunları təkrar olaraq təhlil etmək deyil. Sadəcə hazırda ölkəmizin və xalqımızın real vəziyyəti məni də bütün Azərbaycan vətəndaşları kimi ciddi narahat edir. Gündəmə gətirilən bir çox məsələlər Azərbaycanın gələcək taleyindən xəbər verir. Neft ehtiyatlarımızın talanması, qəpik-quruşa alınıb daşınması gələcək nəsillərin güzəranının aqibətindən xəbər verirsə, işğal altında qalan torpaqılarımızın qəsbkarlar tərəfindən tədricən de-yure mənimsənilməsi bizdən dövlətimizin və dövlətçiliyimizin qarşılaşa biləcəyi təhlükədən qurtulmaq haqqında düşünməyi və səfərbər olmağı tələb edir. Çox düşündürücü və həm də qorxunc bir sınaq dövrüdür. Xalqımızın istiqlaliyyətini və gələcək müqəddəratını qorumaq hər birimizin üzərinə məsul bir vəzifə qoyur.

Bu vəzifə işğalçı dövlətin baş nazirinin ölkəmizin tarixi memarlıq şəhəri, mədəniyyətlər və abidələr mərkəzi olan, dahilər yetişdirən Şuşaya sərbəst şəkildə səfər etməsinə, hər növ fitnə-fasad törətməsinə qarşı sinəmizi qabağa verməkdən, düşməni mənəvi və fiziki məhv etməkdən ibarət olmalıdır. Buna dəstək verməyənlər isə kimliyindən asılı olmayaraq xalqımızın düşməni və xəyanətkar hesab edilməlirdir. Hər bir vicdanlı, qeyrətli Azərbaycan vətəndaşı bu gün yüksək məqamlı İslam alimlərinin müqəddəs müsəlman torpaqları elan edilən Dağlıq Qarabağın düşmən tapdağından azad edilməsi uğrunda varlığını ortalığa qoymalıdır. Azərbaycanın, 2016-cı il aprel döyüşlərində düşməni geri oturdaraq Vətən yolunda canlarından keçən qeyrətli oğulları bizlərə nümunə olmalıdır. Güclü ordumuz olan yerdə xalqımızın hansısa beynəlxalq təşkilat hesab etdiyimiz qurumların yalançı və riyakar addımlarına inanması sadəcə sadəlövhlükdən, aldanmaqdan başqa bir şey deyil.

Gəlin bu sınaq dövrünün imtahanından uğurla çıxmaq üçün bir daha səfərbər olaq".

Məqalədə : Mövsüm Səmədov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
53530

Növbəti buraxılış imtahanları başlayıb

25

İyun
10:59
ELM / TƏHSİL
51693

AMB-nin valyuta məzənnələri

23

İyun
10:11
İQTİSADİYYAT
53188

Nefti qiyməti bahalaşmağa başlayıb

23

İyun
09:30
İQTİSADİYYAT
52893

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
58253

QMİ yaslarla bağlı xəbərdarlıq etdi

19

İyun
18:10
ÖLKƏ
52521

İyunun 22-də dolların manata qarşı məzənnəsi

19

İyun
17:55
İQTİSADİYYAT
52922
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


27-11-2020 12:50





  [email protected]

Valyuta.com

Рейтинг@Mail.ru