Hindistanın Tamil Nadu ştatından olan sakin zəncirli gürzə və qırxayağın ölümcül döyüşünü lentə alıb. Görüntülər "Newsflare" saytında yayımlanıb.

Balaca ilan özü boyda qırxayağa hücum edib. Qurban sərt müqavimət göstərir, amma ilan daha güclü çıxır və rəqibinin öhdəsindən gələ bilir. Qırxayaq hərəkətini dayandırdıqda, sürünən yavaş-yavaş yemini udur.

Zəncirvari gürzə Cənubi Asiyada ən çox yayılmış zəhərli ilandır. 166 santimetr uzunluğa qədər böyüyür və insanlar üçün ciddi təhlükə yaradır. Dişləməsi şiddətli ağrıya səbəb olur. Dişlənmiş yer şişir, diş ətlərində, sidikdə və tüpürcəkdə qan görünür, qan təzyiqi azalır, nəbz düşür. Müasir tibbi yardımlar olmadan ilan dişləmiş 25-30 faiz adam böyrək çatışmazlığından ölür. Ürək və tənəffüs çatışmazlığından ölüm də mümkündür.