Alimlər müəyyənləşdiriblər ki, Çin koronavirusu uşaqlardan yan keçir. Bunun bir neçə səbəbi ola bilər, amma hər halda, yoluxmuş yetkin şəxs körpələrlə təmasdan uzaq durmalıdır.

Yeni koronavirus yaşlı insanlara həmən yoluxur. Xəstəliklərin nəzarət və qarşısının alınması üçün Çin mərkəzlərindən bir qrup tədqiqatçı müəyyənləşdirib ki, virus uşaqlardan yan keçir. Araşdırma "New England Medicine Journal"da nəşr olunub və digər ölkələrin həkimlərinin də diqqətini çəkib.

Çin koronavirusundan təxminən 30 min insan təsirləniv, ancaq yanvar ayının ortalarına qədər 15 yaşdan kiçik insanların yoluxma halları məlum edilməyib. Tədqiqatçılar uşaqların yoluxma ehtimalının az olmasını və ya xəstəlik halında simptomlardan daha az əziyyət çəkdiklərini irəli sürüblər.

Son vaxtlara qədər gənc uşaqlarda yalnız bir neçə koronavirus infeksiyası müəyyənləşdirilib və amma bunların hamısında simptomlar olmayıb.

"Anlamadığımız səbəblərə görə virus ilk növbədə böyüklərə təsir göstərir", - deyə infeksion xəstəliklər üzrə mütəxəssis Riçard Martinello bildirir.

Bu yaxşı bir xəbərdir - uşaqlar nadir hallarda əllərini yuyur və asqırdıqda ağızlarını örtür, daha çox başqalarına toxunur və bu davranış mikroorqanizmlərin yayılmasına kömək edir.

"Uşaqlar qorunursa, bu həm onlar üçün, həm də ümumi əhali üçün yaxşıdır", - deyə pediator Aaron Milston söyləyir: "Uşaqlar virusa yoluxarsa, bu, xəstəliyin partlayışına səbəb olar."

Yeni koronavirus 2002-2003-cü illərdə SARS-ın yayılmasına əhəmiyyətli dərəcədə oxşayır. Həmin vaxt 8 milyon yoluxmadan sadəcə 80 nəfəri uşaq idi ki, sonradan laboratoriya yoxlanışı onların 55-nin adi qrip epidemiyasına yoluxduğu müəyyənləşdirmişdi. Sonradan 12 yaşına çatmamış uşaqlarda SARS-ın yetkinlərə nisbətən daha asan keçdiyi, uşaqlar və yeniyetmələrin xəstəlikdən ölənlər arasında olmadığı və virusun uşaqdan digər şəxsə ötürülməsi hallarının yalnız birinin qeydə alındığı aşkar edildi.

Alimlər 2002-ci ildə baş verən və bu günkü halda hadisələrin iki izahını verirlər: ya uşaqlar infeksiyaya daha az həssasdırlar, ya da bədənləri virusla mübarizədə daha təsirlidir.

Yoluxanların sayı artır və tədqiqatçılar xəstə uşaqların da arta biləcəyini istisna etmirlər.

Milston deyir: "Yeni bir virus görünəndə bütün əhali buna həssas olur. Uşaqların böyüklərə nisbətən bu virusa yoluxma ehtimalının olub olmadığını dəqiq bilmirik."

Hər halda, alimlər vurğulayırlar ki, adi qrip indi dünyada uşaqlar üçün daha təhlükəlidir. Onlar bildirirlər ki, indi qrip və digər mövsümi xəstəliklərdən narahat olmalıyıq. Çünki qrip xəstəliyi uşaqlar arasında böyüklərdən daha aktiv şəkildə yayılır.

Beş yaşa qədər uşaqlar qripin ağır komplikasiyaları üçün risk altındadır, sətəlcəm və tənəffüs çatışmazlığından əziyyət çəkə bilərlər. Aydındır ki, bu, uşaqların immunitet sisteminin xüsusiyyətləri ilə əlaqədardır - orqanizm infeksiya ilə mübarizə aparanda, böyüklərdən daha çox uşaqlar temperatur və toxuma itkisinə rast gəlirlər.

Ümumiyyətlə, qripdən ölənlərin əksəriyyəti (85%-ə qədər) 65 yaşdan yuxarı insanlarda olur. Koronavirus haqqında məlumatlar bir az fərqlənir - 60 yaşdan yuxarı insanlar ölümlərin təxminən 80%-ni təşkil edir.

Ancaq qripdən fərqli olaraq, hələ də koronavirus üçün peyvənd yoxdur.

Milstone deyir: "Bu virusu uşaqlardan uzaq yerdə saxlamaq lazımdır. Onda biz onu dayandıra bilərik."

Tədqiqatçılar qeyd edirlər ki, xüsusi olaraq uşaq xəstəxanalarından məlumat toplamayıblar, buna görə məlumatlar tamamilə dəqiq olmaya bilər. Ancaq uşaqlarda koronavirus infeksiyası riski olsaydı, daha çox sayda xəstəlik bilinərdi.

Qeyd edək ki, xəstəlik barədə müəyyən şayiələr dolaşır. Onlardan biri də Çinin yaşlı nəsildən asan formada yaxa qurtarmaq üçün laboratoriyada belə bir virus hazırladığıdır.