MSK sədri Məzahir Pənahov siyasi partiyalara müraciət edib.

Partiyaların hamısına çatdırılmalıdır ki, bu müddət ərzində kim partiyadan çıxarılıbsa onların adının bülletenlərdən çıxarılmasına dair bizə məlumat verisnlər.

MSK sədri bunu bu gün keçirilən iclasda bildirib. MSK sədri deyib ki, bəzi yerlərdə siyasi partiyaların nümayəndələri qeydə alınıb:

“Onlar özlərinin hansısa siyasi partiyaya mənsub olduğunu göstəriblər. Qanunvericiliyin tələbinə görə, əgər onlar siyasi partiyadan kənarlaşdırılırsa, siyasi partiya üzvlüyünə partiya tərəfindən xitam verilirsə, bununla həmin siyasi partiya MSK-ya məlumat verməlidir. Partiya məlumat verdiyi halda o, şəxslərin partiya mənsubiyyəti göstərilmir, bitərəf kimi qeyd olunur. Bununla bağlı MSK-ya bəzi partiyalar bu cür məlumatlar göndəriblər. Beləliklə, məlumatlar təqdim olunduğu şəkildə, həmin şəxslər həm MSK-nın bazasında, həm də seçki bülletenində bitərəf kimi qeyd olunacaq”.

MSK sədri həmçinin bildirib ki, Seçki Məcəlləsinin tələbinə əsasən səsvermə gününə azı 10 gün qalmış səsvermə bülletenlərinin çapına başlanılmalıdır:

“Ona görə də bu məsələlər ən geci 29 yanvaradək həll olunmalıdır”.