Dinozavrların yox olmasına vulkanik fəaliyyətdən daha çox, nəhəng bir meteoritin düşməsi səbəb olub. 

"Phys.org" portalının xəbərinə görə, bu qənaətə ABŞ-dakı Yale Universitetinin alimləri gəliblər.

Paleoklimatoloqlar müəyyənləşdiriblər ki, ətraf mühitə təsir göstərmiş Dekan trapı bölgəsində (indiki Hindistanda yerləşir) vulkan püskürməsi 66 milyon il əvvəl dinozavrların kütləvi şəkildə məhv olmasından xeyli əvvəl baş verib.

Vulkanik qazın dəqiq bir yayılmasını müəyyənləşdirmək üçün tədqiqatçılar qrupu qlobal temperaturun dəyişməsini və dəniz qalıqlarındakı karbon izotoplarının mövcudluğunu müqayisə edib.

Alimlər meteorit düşməmişdən uzun müddət əvvəl karbon qazının çox olduğu qənaətinə gəliblər. Vulkanik aktivlik qlobal temperaturun tədricən iki dərəcəyə qədər yüksəlməsinə səbəb olub, lakin kütləvi şəkildə ölüm olmayıb. Elm adamlarına görə, bəzi növlər şimal və cənub qütblərinə köçüb, lakin asteroidlə toqquşmadan xeyli əvvəl geri dönüblər.

Buna görə də meteorit zərbəsi dinozavrların ölümünün yeganə səbəbidir.

Eyni zamanda, mütəxəssislər öz nəticələrində səhvlərin olacağını etiraf edirlər və əsaslı sübutlar olduqda fikirlərini yenidən nəzərdən keçirməyə hazırdırlar.

Əvvəllər arxeoloqlar ABŞ-ın Yukatan yarımadasındakı qədim Çiksulub kraterindən götürülmüş torpaq nümunələrini analiz edbilər. Bunun ardınca canlı aləmin 75%-dən çoxunu məhv edən asteroidin düşməsindən sonrakı ilk saatları modelləşdiriblər. Alimlər diametri on kilometr olan asteroidin saniyədə 25 kilometr sürətlə Yerin atmosferinə girdiyini deyirlər. Və bildirirlər ki, toqquşma zamanı baş verən partlayışı dünyanın bütün nüvə silahlarının birlikdə partlayışı ilə müqayisə etmək olmaz.