"Samsung"-un növbəti flaqman smartfonu 2020-ci ilin şərəfinə S20 adlandırılacaq. Bu, həmçinin cihazın bir neçə dizayn xüsusiyyətləri hələ elan olunmamış yeniliyin real fotoşəkilləri ilə təsdiqlənir.

"Samsung Galaxy S20+"nin şəkilləri "XDA Developers" saytında yayımlanıb. Smartfonun adını yüklənərkən ekranda görünən təsvir təsdiqləyir. Ön panelin görüntüsü göstərir ki, selfi kamerasının yerini dəyişmək qərarına gəliblər. Əgər bu kjamera "Galaxy S10" və "S10+" ekranının yuxarı sağ küncündə yerləşirdisə, indi "Galaxy Note10" kimi ortaya köçürülüb.

Çərçivələr çox nazikdir, lakin Koreya şirkətinin mühəndisləri hələ də yuxarı və alt arasındakı qalınlıqdakı kiçik fərqdən qurtula bilməyiblər. Buna baxmayaraq, bütün istifadəçilərin bəyənmədiyi ekranın kənarları ətrafındakı əyilmələr azalıb - smartfonu əlində saxlayan şəxs bildirir. O qeyd edir ki, cihazın kənarları demək olar düzdür.

Arxa tərəfin görüntüsü isə daha cəlbedicidir: iki sıra düzlümüş 5 müxtəlif ölçülü kamera və işıq. Şayiələrə görə, əsas kamera 108 meqapiksellik sensorla təchiz ediləcək.