Miokard infarkt və insultun profilaktikası ilə bağlı müvafiq tədbirlər tibb işçiləri tərəfindən həm ilkin səhiyyə xidmətləri səviyyəsində, həm də ikincili səviyyədə həyata keçirilməlidir.

Bunu Səhiyyə Nazirliyinin İctimai Səhiyyə və İslahatlar Mərkəzinin (İSİM) Səhiyyə siyasəti və planlaşdırma şöbəsinin müdiri Nabil Seyidov "Qeyri-infeksion xəstəliklərin yükü və mübarizə strategiyaları" mövzusunda konfransda deyib.

Onun sözlərinə görə, qeyri-infeksion xəstəliklər Azərbaycanda ən çox ölümə səbəb olan xəstəliklərdir:

"Avropa ölkələrində olduğu kimi Azərbaycanda da qeyri-infeksion xəstəliklərlə mübarizədə maraqlıdır. Əksər ölkələrdə, o cümlədən QİX-lə mübarizə 2 əsas istiqamət üzrə aparılır. Bunlardan birincisi əhaliyə yönəlimiş müdaxilələrdir. Bunlar arasında tütünçəkmənin qarşısının alı nması, spirtli içkilərdən istifadənin azaldılması, sağlam qidalanma və fiziki aktivliyin artırılması əsas yer tutur. Bununla yanaşı hər bir ölkə fərdi hədəfləri seçir".

N.Seyidov əlavə edib ki, qanda yüksək xolesterin olan, hiporteniya, şəkərli diabet diaqnozu qoyulan pasiyentlərin dispanser qeydiyyata götürülməsi, onlarla məsləhətşmələrin aparılması, həyata davranışının dəyişdirilməsi, müvafiq dərman terapiyasının da aparılması vacibdir.

Qeyri-infeksion xəstəliklərlə mübarizəyə dair 2015-ci ildən başlayan tədbirlər planının müddətinin gələn il bitdiyini deyən İSİM rəsmisi qeyd edib ki, 2020- ci ildən sonrakı 5-10 illik dövrü əhatə edəcək yeni tədbirlər planı, yeni prioretlərin müəyyənləşdirilməsi təmin ediməli, müvafiq priotetlər müəyyənləşdirilməlidir.(Trend)