Türkiyə prezidenti Rəcəb Tayyib Ərdoğan İslam Əməkdaşlıq Təşkilatının (İƏT) Sosial İşlər Nazirləri Zirvəsinin açılışında etdiyi çıxışında Fransa prezidenti Emmanuel Makronun İslamı terrorla eynilişdirilməsinə etiraz edərək açıqlama verib.

"Təəssüf ki, bu gün dünyanın 1/4 hissəsini təşkil edən müsəlmanlar gücləri ilə siyasi, iqtisadi və sosial inkişafa sahib deyillər. Dünyanın bugünkü inkişaf səviyyəsinin təməli islam coğrafiasında atlsa da, müsəlmanların bu gün çəkdikləri acıların səbəbini yaxşı düşünməli, analiz etməli və çıxış yolları tapmalıyıq. Əks təqdirdə, sadəcə şikayətlənməklə bir yerə gedib çıxa bilmərik. Harada çatışmazlığımız varsa, sürətli şəkildə 1 milyard 700 milyon müsəlman olaraq nəticəyə çatacaq həll yolları ortaya qoymalıyıq", - deyə Ərdoğan bildirib.

Türkiyə prezidenti daha sonra məscidlərin hücuma məruz qaldığını, msəlmanların öldürüldüyünü deyib: 

"Məscidlərimizə hücum edirlərmi? Edirlər. Müsəlmanları gördükləri yerdə öldürürlərmi? Öldürürlər. Biz bunlara nə zamana kimi səssiz qalmalıyıq. əgər bunlara biz səs çıxarmasaq, əlimizlə müdaxilə etməsək, dilimizlə müdaxilə etməsək, o zaman qəlbimizdən etiraz etmək borcumuz yoxdurmu? Bütün bunlara etmədiyimiz müddətdə biz daha çox döyüləcəyik.

Hər biri layihə məhsulu olan və dinimizin adını istimar edən terror təşkilatları da bu zülmlərin bəhanəsi kimi istifadə edilir. Sonuncu NATO toplantısında Fransa prezidenti Emmanuel Makron İslami terrordan bəhs edir. Özünə bir neçə dəfə dedim: İslam sözü məna "slim" sözündədir və mənası sülh deməkdir. Siz "İslami terror" ifadəsi ilə sülh və terroru bir yerə necə gətirirsiniz? Susur. Son NATO toplantısında yenə eyni şeyi söyləyir. Nə baş verir? Parisdə sarı gödəkçəlilər çıxıb küçələrə. Buyurun, həll edin, dayandırın. Niyə dayandıra bilmirsən? Niyə onları sülh şəraitində həll edə bilmirsən? Alma məzlumun ahını, çıxar ahəstə-ahəstə. Bunu da belə bil."