Misirin xarici işlər naziri Sameh Şükri jurnalistin, "Qahirə ABŞ-ın təzyiqi altında Rusiyadan Su-35C qırıcıları almaqdan imtina edəcək?" sualını cavabsız qoyub.

FaktXəbər-in məlumatına görə, bu barədə "TASS" agentliyi yazıb. 

Onun sözlərinə görə, bu cür məsələlərin ikitərəfli münasibətlər kontekstində müzakirə olunması məqsədə daha uyğundur. 

Həmçinin Şükri onu da vurğulayıb ki, Misirin həm ABŞ-la, həm də Rusiya və Çinlə vacib əlaqələri mövcuddur. 

"Mən daha heç nəyə şərh verməyəcəm", - deyə nazir qeyd etdi,

Xatırladaq ki, Misir Rusiyadan 2 milyard dollar dəyərində 20 ədəd Su-35C almaq istəyib. ABŞ öz növbəsində sözügedən sazişin baş tutacağı təqdirdə Vaşinqtonun Misirə qarşı sanksiyalar tətbiq etməsi labüd bir addım olacağını deyib.