Rusiya və Ukrayna prezidentləri Vladimir Putin və Vladimir Zelenski arasında ayrıca ikitərəfli görüş, "Normand dördlüyü" liderlərinin danışıqları başa çatdıqdan sonra, 9 dekabr bazar ertəsi Parisdə planlaşdırılıb. TASS təkbətək görüşünün təfərrüatları barədə sammiti təşkil etməyə yaxın mənbəyə istinadən bildirib.

"Putin və Zelenski arasında görüş "Normand formatı"nda görüşdən və dörd liderin ortaq mətbuat konfransından sonra Yelisey sarayında planlaşdırılır", - deyə mənbə bildirib.

O əlavə edib ki, Rusiya və Ukrayna liderlərinin Fransa prezidenti Emmanuel Makron və Almaniya kansleri Angela Merkel ilə ayrıca görüşləri ümumi danışıqlar başlamazdan əvvəl planlaşdırılır. Eyni zamanda, mənbə bildirib ki, "Normand formatında" dörd dövlət başçısının görüşünə əvvəlcədən 2,5 saat vaxt ayrılıb.

"Normand formatı" - Donbasdakı vəziyyəti həll etmək üçün Almaniya, Rusiya, Fransa və Ukraynandan ibarət diplomatik qurupdur.