Həmas siyasi bürosunun rəhbəri İsmayıl Haniyyə ABŞ-ın İordan çayının Qərb sahilində yəhudilərə aid qeyri-qanuni məskunlaşması ilə  bağlı qərarını qınayıb.

FaktXəbər-in məlumatına görə Haniyyə yazılı bəyanatında, "ABŞ-ın yəhudi məskunlaşma qərarı siyasi bir qətliamdır",- deyə bildirib.

İsmayıl Haniyyə daha sonra deyib: "Qərar, Fələstin xalqının torpaqlarına, müqəddəslərinə və nəsillərinin gələcəyi ilə bağlı haqqı hədəf alan "İsrail və ABŞ arasında" şeytani bir ortaqlığı və ittifaqı təmsil edir. Fələstin xalqı bu siyasi və qanlı qırğınlara təslim olmayacaq, hüquqlarını müdafiə edəcək və qoruyacaq, siyasi və hərbi hücumlar qarşısında dik duracaq."