Xəbər Lenti

İnfoqrafika

Arxiv

Yazar

05 Noyabr

2019
14:11
Avtovağzaldan kənar sərnişin daşımaları davam edir

Uzun fasilədən sonra oktyabrın 1-dən etibarən Bakı-Gəncə-Bakı, Bakı-Qırmızı Körpü-Bakı, Bakı-Mingəçevir-Bakı, Bakı-Şəki-Bakı istiqamətində Almaniyanın “MAN” şirkətinə məxsus iri tutumlu “Neoplan” avtobusları ilə ilk gecə reysləri xidmətə başlayıb.

Həmin vaxt Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova bildirmişdi ki, qanuni gecə reysləri avtomatik olaraq qeyri-qanuni daşımaların qarşısını alacaq. Amma hələ də paytaxtdan bölgələrə qeyri-qanuni daşımanı həyata keçirən avtobuslar fəaliyyət göstərir. Özü də yalnız avtovağzaldan deyil, şəhərin müxtəlif nöqtələrindən sərnişin yığıb yola çıxanlar var...

Məsələ ilə bağlı DANX-ın mətbuat katibi Nuridə Allahyarova açıqlama verib. O bildirib ki, gecə qanuni reysləri gecə qeyri-qanuni resylərinin qarşısını artıq qismən də olsa alıb:

“Nəzərə almaq lazımdır ki, biz yeni avtobusları məhdud istiqamətlərdə xətlərə buraxmışıq. Bunlar Bakı-Gəncə-Bakı, Bakı-Qırmızı Körpü-Bakı, Bakı-Mingəçevir-Bakı, Bakı-Şəki-Bakı istiqamətləridir. Bu istiqamətlərdə də qeyri-qanuni daşımaların qarşısı xeyli alınıb”.

N.Allahyarova qeyd edib ki, növbəti ildən etibarən bölgələrə işləyən avtobusların böyük əksəriyyəti dəyişəcək:

“Növbəti ilin mart ayından sonra yeniliklər regionlara işləyən avtobusların 70-80 faizini əhatə edəndə əsaslı dəyişikliklər hiss olunacaq”.

DANX rəsmisi bildirib ki, təmsil etdiyi qurum yalnız avtovağzalların ərazisindən çıxan nəqliyyat vasitələrinə məsuldur:

“Biz qeyri-qanuni daşımaların qarşısını yalnız optimallaşma apararaq, xətlərə komfortlu avtobuslar buraxaraq ala bilərik. Qanunvericilikdə qeyri-qanuni daşımalara qarşı hər hansı inzibati tədbirlərin görülməsilə bağlı səlahiyyətimiz yoxdur. Bununla aidiyyatı qurum məşğuldur”. (modern.az)

Məqalədə : sərnişin daşıma 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Britaniyada Asanjın taleyi həll olur

14

Dekabr
15:48
DÜNYA
339

Elvin İsayev Azərbaycana deportasiya edildi

14

Dekabr
15:37
HÜQUQ,HADİSƏ
549

Bazar günü hava yağmursuz olacaq

14

Dekabr
13:04
ÖLKƏ
1569
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-12-2019 06:37



  (+994 55) 786-96-84

  [email protected]

Valyuta.com

Рейтинг@Mail.ru