Xəbər Lenti

İnfoqrafika

Arxiv

Yazar

©

30 Avqust

2019
12:41
1048
AQTA sədri quyruq yağı yeməyi məsləhət görür

Son zamanlar əhaliyə, xüsusən, gənclərə yanlış qidalanma pəhrizləri təlqin edən "diyetoloqlar" çoxalıb.

Bu fikirləri Azərbaycan Qida Təhlükəsizliyi Agentliyinin (AQTA) sədri Qoşqar Təhməzli "Süfrə" dərgisinə müsahibəsində deyib.

Q.Təhməzli arıq insanların sağlam olması barədə fikirlərin yanlış olduğunu bildirib:

"İnsan normal çəkisində olmalıdır. Gənc xanımlar arıqlamaq üçün bütün günü meyvə yeyirlər. Soruşanda da deyirlər ki, diyetoloq məsləhət görüb. O dəqiqə bilinir ki, həmin "diyetoloqlar"ın təbabətdən xəbəri yoxdur. Meyvədə də fruktoza var. Ona görə də qədərində istifadə olunması tövsiyə olunur".

Onun sözlərinə görə, qida və sağlamlıqla bağlı hər bir tövsiyənin arxasında elmi istinad, mənbə olmalıdır:

"İstər ekspertlər, istər diyetoloqlar, istərsə də həkimlər qida ilə bağlı xülyalarını insanlara fakt adı ilə təqdim etməməlidirlər. İnsanlarımız hər deyilənə inanıb, onu öz üzərilərində sınamamalıdırlar".

Agentlik sədri şəxsi qidalanmasından da danışıb:

"Təbii qidalanmaya üstünlük verirəm. Rəngli, qazlı, şirin sulardan istifadə etmirəm. Şəkər, demək olar ki, rasionumda yoxdur. Tövsiyə edirəm ki, əhalimiz sağlam qoyun, quzu ətindən istifadə etsin. Son illər çox yanlış bir mif formalaşıb ki, qoyun əti ziyanlıdır. Əksinə, qoyun ətinin iç yağı, quyruğu orqanizm üçün çox faydalıdır. Quyruq yağından çox istifadə etmək lazımdır. Quyruq yağı damarların keçiriciliyinin artırılmasına səbəb olur.

Eləcə də rafinə olunmuş məhsullardan uzağam. Mövsümi meyvə-tərəvəz qəbul edir, yerli məhsullara üstünlük verirəm. Azərbaycan qidaları daha təhlükəsizdir, həm də orqanikliyini qoruyub saxlayıb".

O vurğulayıb ki, insan orqanizmi üçün ən təhlükəli toksiki maddə şəkərdir:

"Blast hüceyrələr, yəni xərçəng şəkərlə qidalanır. Ona görə də şəkərli məhsulların istifadəsini məsləhət bilmirəm". 

Məqalədə : AQTA Qoşqar Təhməzli 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan Rusiyaya nota verib

15

Oktyabr
20:33
SİYASƏT
53

Dünyada ən sürətli enerji dolduran telefonu

15

Oktyabr
16:41
MARAQLIDIR
242

Cahangir Hacıyevin bacanağı azadlığa buraxıldı

15

Oktyabr
16:23
HÜQUQ,HADİSƏ
96

İşdən çıxarılan rəisin yerinə təyinat

15

Oktyabr
14:23
HÜQUQ,HADİSƏ
58

Azərbaycan Ukraynaya nota göndərib

15

Oktyabr
14:21
SİYASƏT
63

Sabahın hava proqnozu açıqlanıb

15

Oktyabr
12:48
ÖLKƏ
92
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-10-2019 00:35



  (+994 55) 786-96-84

  [email protected]

Valyuta.com

Рейтинг@Mail.ru