Xəbər Lenti

İnfoqrafika

Arxiv

Yazar

25 İyun

2019
10:31
`25 əməkdaşımızı prokurorluğa şəxsən şikayət etmişəm` - Nazir

“25 əməkdaşımızla bağlı prokurorluğa özüm təqdimat vermişəm. Cinayət işi açılıb. Bunu özüm açıqlamamışam. Bunu açıqlamaq mənə nə verəcək ki? 9 milyon vəsaitin onların hesabına dövlət büdcəsinə köçürülməsini təmin etmişəm”

Bunu Əmək və Əhalinin Sosial Müdafiəsi naziri Sahil Babayev əhaliyə paylanılan mal-qaranın bəzilərinin xəstə və ya qoca ilə bağlı edilən şikayətlərə münasibət bildirərkən deyib. 

Nazir tədbirlərin birində çıxışı zamanı prosesin davam edəcəyini vurğulayıb: “Səhv tapanda cəzalandıracağıq. Əməkdaşlarıma ən böyük cəzanı da özüm verirəm. Məşğulluq xidmətindən bəzi adamları işdən çıxardım. Dərhal mediada bu heyvanlarla bağlı məsələ yayılmağa başlanıldı.

Xatırladım ki, əhaliyə paylanılan mal-qaranın xəstə və ya qoca olması ilə bağlı 700-dən çox şikayət aldıq. Buna görə də, 700 araşdırma təyin olundu. Araşdırma zamanı şikayətlərin 25-nin düz olduğu ortaya çıxdı. Siz indi saxtakarlığın dərəcəsinə baxın.

Mən həmişə deyirəm ki, niyə 2017-ci ildə heyvanlar veriləndə kimsə danışmırdı? 2018- ci ildə hamı eşitdi, bildi. 30 min heyvan verildi. Ancaq kiçik bir faizini şişirtdilər.

İndi isə ikinci tendensiya başlayıb. Gəlib deyirlər ki, verilən heyvan xəstədir. Noyabr ayında biz heyvanı verəndə onun baytar arayışı da var idi. Heyvanın şəkli də var idi. Qida Təhlükəsizliyi Agentliyindən xahiş etdim, getdilər, baxdılar.146 heyvanda xəstəlik aşkar olundu. İstənilən fermer heyvan götürüb 6 ay saxlayandan sonra həmin heyvanlar içərisindən xəstələnəni də olacaq. Mənim yanıma vətəndaş gəlib deyir ki, inək öskürür. Deyirəm ki, ay ağsaqqal, bu heyvanları harada saxlayırsan?  Deyir həyətdə saxlayıram. Həyətdə saxlayanda xəstələnəcək də. Mən demək istəmirəm ki, gələn vətəndaş yalan deyir. Ola bilər ki, düz deyir. Ola bilər ki, bizimkilərin səhvi olub. 

Nazir deyib ki, heyvan veriləndə siyahıdan olan 1000 nəfər kənarlaşdırılıb: “Çünki heyvan veriləndə görülüb ki bu adamın obyekti, maşını, torpağı var. Onlar da bəlkə 10 min dəfə şikayət məktubu yazıb. Aralarında çox gözəl yol tutanları da var. Bir nəfəri işdən çıxarırıq. 125 deputatımızın hamısına məktub yazırlar. Eyni adama 125 dəfə cavab verməli oluruq, Bütün bunların mediada niyə yayılmasından, şişirdilməsindən xəbərdaram. Məşğulluq xidmətindən bəzi adamları işdən çıxardım. Dərhal mediada bu heyvanlarla bağlı məsələ yayılmağa başlanıldı”.

Məqalədə : Sahil Babayev 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Şahin Mustafayevə yeni vəzifə verildi

07

Dekabr
17:52
SİYASƏT
545

Xətai rayonunda su olmayacaq

07

Dekabr
13:25
ÖLKƏ
349

Neft yenidən bahalaşıb

07

Dekabr
12:00
ÖLKƏ
342

Dünya bazarlarında təbii qaz kəskin ucuzlaşıb

07

Dekabr
11:40
İQTİSADİYYAT
328

Atəşkəs 24 dəfə pozulub

07

Dekabr
11:20
HƏRB
442

Bu gün MSK-nın iclası keçiriləcək

07

Dekabr
11:07
SİYASƏT
441

Həzrət Məsumənin (s.ə) vəfat günüdür

07

Dekabr
11:05
MƏNƏVİYYAT
647
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


09-12-2019 06:09



  (+994 55) 786-96-84

  [email protected]

Valyuta.com

Рейтинг@Mail.ru