Xəbər Lenti

İnfoqrafika

Arxiv

Yazar

04 Dekabr

2018
09:25
Bakıya bir metrə yaxın qar yağa bilər - Ekoloq

Hələ aylar öncədən qışda havaların şaxtalı, soyuq keçməsi ilə bağlı proqnozlar verilsə də, hələlik Bakıda bunun şahidi olmamışıq. Qış fəslinə keçidə sayılı günlər qalsa da, kəskin soyuqlarla qarşılaşmamışıq. Hazırda ölkə ərazisində qar yağıntısı, şaxtalar müşahidə olunmayıb. Bir həftənin hava proqnozlarına baxdıqda 10-11 dərəcə isti olduğunu görərik. Qonşu Rusiyada isə hava temperaturu mənfi 10-12 dərəcədir. Bir çox əyalətlərinə isə qar yağıb.

Ekologiya və Təbii Sərvətlər Nazirliyinin Ekoloji maarifləndirmə və ictimaiyyətlə əlaqələr şöbəsinin müdiri  Umayra Tağıyeva mətbuata açqılamasında son illərin məlumatına görə Bakıda və Abşeron yarımadasında, respublikanın rayonlarında şaxtalı günlərin və gecələrin sayının azaldığını bildirib.

Umayra Tağıyeva deyib ki, Avropa ortamüddətli proqnozlar mərkəzinin apardığı nəticələr göstərir ki, bizim regionda bu qış fəslində havanın temperaturu iqlim norma göstəricilərdən 0,5-1 dərəcə yuxarı olacaq:

“Bu, o deməkdir ki, qışın şaxtalı keçməsi ehtimalı azdır. Əlbəttə ki, qış fəsli ərzində ayrı-ayrı dövrlərdə arktik hava kütlələri də daxil olacaq, temperatur aşağı enəcək. Amma bu dövrlərin çox davamlı olması pronozlaşdırılmır. Mülayim günlər soyuq, şaxtalı günlərlə müqayisədə üstünlük təşkil edəcək.

Biz baza illər olan 1961-1990-cı illər arasında müqayisə aparırıq. Eyni zamanda, 1991-2017-ci ilin məlumatlarını qiymətləndirmişik. Nəticədə müəyyən olunub ki, Bakı şəhərində yalnız dörd ildə 1964, 1969, 1972 və 1977-ci illərdə havanın orta minimal aylıq temperaturu mənfi 0,4-2,3 dərəcə şaxta təşkil edib.

1991-2017-ci illər arasında isə yalnız bir dəfə - 2008-ci ildə orta minimal aylıq temperatur mənfi 1,4 dərəcə şaxta olub. Ümumiyyətlə, qış fəsli üçün Bakı və Abşeron yarımadasında havanın orta temperaturu müsbət 3,2 dərəcədir. Ölkənin relyefinə və Xəzər dənizinin yaxın olmasına görə qış yumşaq keçir. Abşeron yarımadası üçün kəskin şaxtalar səciyyəvi deyil".

Ekoloq Telman Zeynalov isə açılamasında bu il qışın sərt keçəcəyini iddia edir: “Son dövrlərdə havaların belə keçməsi şimal küləyindən asılıdır. Düşünürəm ki, hələlik temperatur bu ay üçün normaldır. Hazırda Şamaxıda  qar yağıb. Bu il havalar ötən ilə nisbətdə soyuq keçir. Əgər keçən il oktyabrın sonunda, noyabrın əvvəlində isti geyimlər geyinirdiksə, artıq oktyabrın ortalarından isti geyimlərə keçmişik. Bu il havalar ola bilsin ki, 1972-ci ildəki kimi çox sərt keçsin. Ola bilsin ki, Bakıya bir metrə yaxın qar yağsın. Bir sözlə, bu qış çox sərt keçəcək və ən azı 20-25 santimetr qar yağacaq”.("Yeni Müsavat")

Məqalədə : Qar yağıntı 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
43473

Növbəti buraxılış imtahanları başlayıb

25

İyun
10:59
ELM / TƏHSİL
41774

AMB-nin valyuta məzənnələri

23

İyun
10:11
İQTİSADİYYAT
43426

Nefti qiyməti bahalaşmağa başlayıb

23

İyun
09:30
İQTİSADİYYAT
42897

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
48405

QMİ yaslarla bağlı xəbərdarlıq etdi

19

İyun
18:10
ÖLKƏ
42930

İyunun 22-də dolların manata qarşı məzənnəsi

19

İyun
17:55
İQTİSADİYYAT
43365
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


28-09-2020 15:42





  [email protected]

Valyuta.com

Рейтинг@Mail.ru