Amerika ordusu Kosovanın cənubunda 300 hektardan böyük sahədə şəhər kimi bir hərbi baza yaradıb. Qərb ölkələri belə artıq başa düşürlər ki, bu baza müvəqqəti deyil, daimidir.

FaktXəbər-in məlumatına görə, Fransanın "Le Figaro" jurnalına istinadən verdiyi məlumata görə, sözügedən bazanın adı "Bondstell"dir və kiçik bir Amerika şəhərini xatırlatdır. Amerikalıların tikdiyi Priştina (Kosovonun paytaxtı) və Skopya (Makedoniyanın paytaxtı) arasındakı Bondstell bazası gizli deyil, amma aparılan tikinti işləri və daimi yeniləməl göstərir ki, bu böyük planın tərkib hissəsidir. Avropalı mütəxəssislər bildirirlər ki, Amerika Kosova müharibəsini qarşıdurmaların sıx olduğu Balkan yarımadası, Aralıq dənizi və Orta Şərqə müdaxilə üçün ideal yer olan bu bölgədə baza yaratmaq üçün təşkil edib.

Vyetnam müharibəsinin iştirakçılarından olan komandir Ceyms Leroy Bondsteelin şərəfinə adlandırılan Amerika bazasında son dərəcə möhkəm bünövrələr üstündə qurulan 160 mənzillik bina var.

"Le Figaro" jurnalı Bondsteel bazasında xəstəxana, kitabxana, idman kompleksləri və digər binaların bomboş olduqlarını yazaraq, belə deyir: "Aydındır ki, baza başqa məqsəd üçün tikilib, benzindoldurma məntəqələrinin önü Amerika avtomobilləri və hərbi texnikalarla doludur. Bura kiçik Amerika şəhərini xatırladır, evlər soyuq və istidən qorunmaq üçün kondisionerlərlə təchiz edilib. Yollar müasir bir şəhər kimi asfaltlanıb. Aydındır ki, amerikalılar müharibə bitsə, ya da səbəbləri ortadan qalxsa da, bura yerləşmək məqsədiylə gəliblər. Komandirlərdən birinin heç çəkinmədən bizə, "bura Amerika üçün ən əhəmiyyətli bazalardan biridir", - deməsi də bunu göstərir."

Jurnalın araşdırması nəticəsində bəlli olub ki, şəhərciyin əsas sakinləri amerikalı əsgərlərdir. Burada ümumilikdə 232 evin tikilməsi nəzərdə tutulub ki, ümumilikdə 6000 əsgərin yaşaması planlaşdırılır. Bu, Amerikanın Avropadakı ən böyük bazasıdır.

Bazanın təchizatı bunlardır:

- Kondisionerli 160 bina
- 24 administrativ bina və inşa halındakı digərləri
- 24 saat açıq 2 nəhəng yeməkxana
- İki idman kompleksi
- Tam təchizatlı bir xəstəxana
- İki kilsə
- Əyləncə mərkəzi
- "Burger King" restoranı
- Çox ucuz bir süpermarket
- Kitabxana
- Atletizm stadionu
- Futbol stadionu
- Bağlı voleybol salonu
- Bağlı basketbol salonu
- 800 nəfərlik əyləncə zalı.