FaktXeber.com-un Misirin “Elbedil.com” saytına istinadən verdiyi məluamat görə, bu yaxınlarda Fransada “Qətər, bizim üçün şər istəyən dost!”  (Le vilain petit Qatar, cet ami qui nous veut du mal) adlı yeni bir kitab işıq üzü görüb. Kitabda Qətər hökuməti, bu ölkədə yayımlanan tanınmış “Əl-cəzirə” telekanalı və bəzi şəxsiyyətlər barədə ilginc faktlar öz əksini tapıb. Orada Qətər əmirinin sionist dairələr, İsrail və habelə tanınmış sələfi müftisi Yusif Əl-Qərzavi ilə əlaqələri barədə əhəmiyyətli sübutlar gətirilib. Gətirilən faktlar arasında Əl-Qərzavinin keçmiş həyat yoldaşı Əsma bin Qadənin ifşaedici ifadələri də yer alıb. Əsma bin Qadə bununla bağlı deyib: “Əl-Qərzavi 2010-ci ildə məxfi şəkildə İsrailə səfər etmişdi. Bu məsələ ABŞ konqresində də müsbət qarşılanmışdı”.

"Qətər, bizim üçün şər istəyən dost!" kitabı

Xatırladaq ki, bir neçə ay bundan öncə şeyx Yusif Əl-Qərzavi NATO və ABŞ-a müraciət ünvanlayaraq onlardan Suriyaya hücum etməyi istəmişdi. Elə bundan sonra ərəb mediası sözügedən şeyxi "Şeyxun-natu", yəni "NATO şeyxi" adlandırmağa başlayıb.