Katoliklərin ruhani lideri Papa XVI Benedikt yaşını səbəb göstərərək 28 fevralda vəzifəsindən istefa verəcəyini açıqlayıb. Papanın istefasıyla əlaqədar olaraq bir çox səbəblər söyləndiyi bir vaxtda, yeni Papanın mart ayı ərzində seçilməsi gözlənilir. Ən güclü namizəd isə dünən xəbər verdiyimiz kimi qanalı Kardinal Piter Turksondur.

FaktXəbər-in məlumatına görə, əsl adı Jozef Aloisius Ratzinger olan Papa XVI Benedikt Vatikanda qatıldığı mərasimdə Latınca etdiyi çıxışda, yaşını səbəb gətirərək artıq bu vəzifəni layiqincə yerinə yetirə bilməyəcəyi ilə bağlı qərarını açıqlayıb. 86 yaşlı Papa tam azad şəkildə vəzifəsini tərk etdiyini qəti şəkildə söyləyib. 2005-ci ildə İkinci İohan Pavelin yerinə keçən Ratzinger, 1415-ci ildə vəzifəsindən istefa verən XII Qriqoridən sonra istefa verən ilk papa oldu.

Neçə ay imiş istefa barədə düşünürmüş

Vatikan nümayəndəliyi rəhbərləri istefa qərarının şok təsiri yaratdığını açıqladığı bir vaxtda, Papanın böyük qardaşı Georg Ratzinger isə böyük qardaşının uzun müddətdir vəzifədən ayrılmağı düşündüyünü açıqlayıb. Georg Ratzinger Papanın həkiminin ona səhhətindəki problemlərə görə uzaq səfərlərə çıxmamasını tövsiyə edib. Ratzinger, Papanın getdikcə yeriməyə çətinlik çəkdiyinə işarə edərək, "bu yaşda qardaşım daha çox istirahət etmək istəyir", - deyib.

Son mesaj: "Hamımız günahkarıq"

Papa əvvəlki açıqlamalarında heç vaxt papa olmaq istəmədiyini söyləyirmiş. Twitter səhifəsindən yazdığı son mesajda isə, "Tanrı mərhəmətinin gücünə güvənməliyik. Hamımız günahkarıq, amma onun mərhəməti hamımızı dəyişdirər və yeniləşdirər", - deyib.

Təcavüz iddiaları Beynəlxalq Haaqa Məhkəməsinə qədər gedə bilər

600 ildən sonra istefa verən ilk papa olan Benediktin istefa səbəbi kimi yaşı və sağlamlığı səbəb göstərilir. Amma Papanın istefası mövzusunda fərqli fikirlər də var. Ən ciddi əsas isə Katolik Kilsəsinin bitmək bilməyən təcavüz iddialarıdır. Xüsusilə İrlandiyada istefalar və Vatikanın səfirliyinin bağlanılmasına qədər olan etirazlar artıq dözülməz hala gəldiyi üçün. Kilsədəki təcavüz iddialarının Beynəlxalq Haaqa Məhkəməsinə gedəcəyi və "insanlığa qarşı cinayət" halına gələrək, bütün Katolik Kilsəsini hədəf altında qoyacağı bildirilir. Papanın bu işi dayandırmaq qarşılığında razılıqla istefa verdiyi deyilir.

Mafiya əlaqələri və armagedon

Vatikanın biznes əlaqələrini, mafiya ilə bazarlıqlarını və sui-istifadələrini isbat edən 1000-dən çox gizli sənədin ən yaxın köməkçisi tərəfindən mediaya sızdırılmasından sonra Papanın bunu həzm edə bilmədiyi və istefa vermək məcburiyyətində qaldığı deyilir. Bir başqa iddia da Malanchy kimi tanınan və 1400-cü illərdən başlayan bir rahibin kəhanətidir. (Dünən bu barədə ətraflı yazmışdıq) İddiaya görə Vatikan arxivlərində də yer alan həmin sənədə görə, "Benedickt" adını istifadə edən papalar keçid dövrü papalarıdır. Bu iddiaya görə, Papanın istefasıyla Kilsə Armagedona, yəni Qiyamət" müddətinə də girmiş olur.

"Hitlerçi gəncliyi" İsraili hirsləndirdi

Papanın istefasıyla əlaqədar iddialar arasında ən diqqət çəkənlərdən biri də Papanın keçmişindəki nasist əlaqəsidir. Gənc yaşlarında Almaniyada "Hitlerçi gənclik" adlı qrupa qoşulan, papa olduqdan sonra isə yəhudiləri Həzrət İsanın öldürülməsiylə günahlandıran bir duanı yenidən dualar siyahısına saldığı üçün İsrailin qəzəbinə düçar olan Papanın, bu səbəbdən istefaya məcbur edildiyi də iddialar arasındadır. Məcburetmə isə təcavüz hadisələriylə bağlı rahibləri qoruması və bununla bağlı yeni məlumatların üzə çıxmasıdır.