Yer sakinləri 2022-ci ildə adi gözlə səmada ulduzların toqquşması nəticəsində yaranan parlaqlığı görə biləcəklər. FaktXəbər-in məlumatına görə, bu barədə tədqiqatın nəticələrini "Times" nəşrinə amerikalı astronom Larri Molnar açıqlayıb.

Ulduzların toqquşması nəticəsində yaranan yeni göy cisminə ulduzlu səma xəritəsində KIC 9832227 ümumi kod adı verilib. Toqquşma bizim eranın 3-cü əsrində baş verib. Amma onların toqquşmasından yaranan parıltının Yerə çatması üçün təxminən 1,8 min il lazımdır.

Yeni ulduz bir müddət Qu bürcündə olacaq. Partlayışın işığı o qədər güclü ola bilər ki, o, gecə vaxtı bir neçə günlüyə səmada ən parlaq obyektlərdən olar.

Astronom fikrincə Yer sakinləri hadisəni 2022-ci ildə izləyə biləcəklər, amma hesaba bir neçə il xəta da nəzərdə tutulur. Əgər Molnarın proqnozu təsdiqlənsə, astronomiya tarixində ulduzların toqquşmasının işığının Yerə çatacağını söyləyən ilk alim olacaq.