Ağrıkəsici dərmanlardan çox istifadə eşitmə qabiliyyətinin itirilməsinə yol açır. Xüsusilə də kişilərdə. Həftədə bir necə dəfə bu tip dərmanlardan istifadə edən kişilərin eşitmə problemi ilə qarşılaşması riski digərlərinə nisbətən çox daha yüksəkdir. Bu nəticə Harvard Universitetində aparılan araşdırma nəticəsində əldə edilib. Ən yüksək risk isə gənc nəslin nümayəndələrindədir.

Tədqiqat 18 il davam edib. Bu müddətdə 26 min kişi üzərində təcrübə aparılıb. Araşdırma çərçivəsində ağrıkəsiciər ilə eşitmə problemi arasında əlaqə tapılıb və 3500 kişidə eşitmə qabiliyyətini itirmək müşahidə edilib. (ans)

Belə ki, 50 yaşından öncə həftədə iki dəfə "Parasitamol" dərmanı qəbul edən kişilərdə kar olmaq riski iki dəfə artır. Belə şəxslərin 99 faizi karlıq kimi problemlərlə üzləşə bilər. Uzun müddət yüksək dozada aspirin qəbulu isə qulaqda cingilti yaradır. 60 yaşdan aşağı olan və həftədə iki aspirin qəbul edən kişilərin 33 faizində eşitmə qabiliyyətinin itirilməsi müşahidə edilib.