Əlağa Hüseynovun ölkənin baş hərbi komissarı vəzifəsindən kənarlaşdırılmasından sonra bu sistemdə davamlı yoxlamalar başlayıb. Artıq bir neçə gündür ki, hərbi komissarlıqlarda ixtisarlar da aparılır. Dünən hərbi mənbələrdən əldə etdiyimiz məlumata görə, hərbi komissarlıqlarda ixtisara düşən gizirlər hərbi hissələrə xidmətə göndərilir.

Bu isə həmin şəxslər arasında ciddi narazılığa səbəb olub. Belə ki, işlərini itirən gizirlər isə hərbi hssələrdə xidmət etmək istəmirlər. Onlar göndərildikləri hərbi hissələrin yaşadıqları yerlərdən uzaq olmasını və Müdafiə Nazirliyi tərəfindən kirayə pulunun verilməməsini əsas gətirirlər.

Məsələyə münasibət öyrənmək üçün Müdafiə Nazirliyinin mətbuat xidməti ilə əlaqə saxlaya bilmədik. Xəbəri araşdırmağa çalışacağıq./ Bizim Yol