Bəzi Qərbyönlü politoloqlar çox vaxt belə fikir söyləyirlər ki , Azərbaycanda müxalifətin fəaliyyəti hiss olunmayanda dini qurumlar önə çıxır . Və siyasi müxalifətə inamlarını itirən insanlar onların ətrafında birləşirlər . Hazırda tamamilə zəifləyən müxalifətin fəaliyyəti doğrudan da nəzərə çarpmır . Dini qurumlara , icmalara , ümumiyyətlə İslama , onun simvollarına qarşı hücumlar isə artmaqdadır . Bu sərt tədbirlər hakimiyyətin narahatlığından irəli gələ bilərmi ? Ümumiyyətlə belə bir həyəcana əsas varmı ? Azərbaycan Birlik Təşkilatının sədri Hacı Namiq Babaxanla söhbətimiz də bu barədədir .
Sözünə Mehriban və Bağışlayan Allahın adı ilə başlayan müsahibimiz qeyd etdi ki , son illər yalnız Azərbaycanda deyil , bütün dünyada İslama meyllənmə müşahidə olunur . Onun sözlərinə görə , qeyri - müsəlmanların İslama tapınması , müsəlmanların isə öz dininə daha sıx bağlanması halları çoxalır : « Dünyada olduğu kimi ölkəmizdə də İslama qarşı meyl artdıqca , bəzi qüvvələrin narahatlığı , onların dinə , inanclı insanlara qarşı təzyiqləri də artır . Həmin qüvvələr dini və dindarları özlərinə rəqib hesab edirlər . Əslində Azərbaycanda uzun illərin qadağasından və müstəqilliyimizin ilk dövrlərində ölkədəki qeyri - sabit ictimai - siyasi durum aradan qalxandan sonra insanların öz dininə , milli - mənəvi dəyərlərinə qayıdışı təbii və adi haldır . Bu baxımdan heç kim bu prosesi özünə , eyni zamanda hakimiyyətə qarşı təhlükəli hesab etməməlidir ».
Hacı Namiqə görə , artıq dünyada və onun bir parçası olan Azərbaycanda insanlar başa düşürlər ki , indiyə qədər inandıqları , ardınca getdikləri qüvvələr onlara yalan vədlərdən başqa heç nə verə bilməyiblər . Bu baxımdan cəmiyyətin yalnız İslamın doğru , haqq olduğunu , ədalətsizliyi qəbul etmədiyini anlayıb onun ətrafında birləşməyi məqbul hesab etdiyini söylədi : « Əlbəttə , burda mənəvi və ruhani amil də böyük rol oynayır . Yəni dinini iləri aparan ən böyük qüvvə Allah - Təalanın Özüdür ».
Müsahibimiz dedi ki , Qərbyönlü politoloqlar əsassız iddialarla İslamçı qurumların , dindarların güc mərkəzinə çevriləcəyini iddia edib , onların simasında düşmən obrazı yaratmağa çalışırlar : « Onların əsas məqsədi dindarları təhlükə mənbəyi kimi göstərib Qərbdən pul qopartmağa çalışırlar . Çünki yaxşı bilirlər ki , Qərb , Avropa , İsrail ən kamil din olan , haqsızlığa , ədalətsizliyə « yox » deyən İslama qarşı barışmaz mövqedə dayanır və onunla mübarizə aparmaq üçün son qəpiklərini belə xərcləməyə hazırdırlar . Xarici qüvvələr Azərbaycanda İslamın zəifləməsində , yüngül həyat tərzinin , yad mədəniyyətlərin təbliğində maraqlıdırlar . Çünki hərc - mərcliyin , mənəviyyatsızlığın , hakimiyyətpərəstliyin hökm sürdüyü bir məmləkətin sərvətini sovurub aparmaq çox asandır ».
Namiq Babaxan son dövrlər ölkədə dini icmaların qeydiyyatının sərtləşdirilməsini , İslamyönlü qurumların fəaliyyətinin nəzarət altında saxlanmasını , məscidlərin bağlanmasını , sökülməsini Qərbin , ABŞ - ın Azərbaycan hakimiyyətinə təzyiqi ilə izah etdi . Bununla belə o , bildirdi ki , hakimiyyətin dindarlara , İslami qurumlara qarşı təzyiqinin səbəblərindən biri də onları təhlükə mənbəyi hesab etməsindən irəli gəlir : « Yəni ola bilsin , iqtidar dindarların güc mərkəzi , dini müxalifət kimi ortaya çıxmasından narahatdır . Amma məncə , bu cür düşünmək yanlış olardır . Düzdür , bir çox dindarlar haqsızlığa , ədalətsizliyə , İslama , onun dəyərlərinə qarşı təqiblərə etiraz etsələr də , bu , onların hakimiyyətə , dövlətə qarşı təhlükə mənbəyi anlamına gəlməməlidir . Qeyd etmək lazımdır ki , bu gün ölkədə həqiqi İslamsevərlər , din - iman sahibləri öz ibadətlərini edir , mənəvi dəyərləri qoruyur , ədalət prinsiplərinə önəm veriliməsini istəyirlər ».
