Xəbər Lenti

Sorğu

İnfografika

Arxiv

06 Aprel

2017
09:59
304
"Qarabağ" reytinq siyahısında "Arsenal"ı, "Qəbələ" isə "Çelsi"ni qabaqlayıb

Dünyanın ən yaxşı klublarının siyahısı açıqlanıb. Beynəlxalq Futbol Tarixi və Statistikaları Federasiyasının (İFFHS) tərtib etdiyi cədvəldə planetin ən yaxşı 405 komandası yer alıb.
 
2016-cı ilin yekunlarının əksini tapdığı siyahıda Azərbaycan 2 klubla təmsil olunub. Ən yaxşı təmsilçimiz “Qarabağ”dı - 155 xalla 55-ci yer. “Ağ-qaralar” “Arsenal”, “Lester” (hər ikisi İngiltərə), “Porto” (Portuqaliya), “Zenit” (Rusiya), “Lion” (Fransa) kimi komandaları arxada qoyub. Ötən il 142 xalla 77-ci yerdə olan Qurban Qurbanovun yetirmələri 22 pillə irəliləyib.
 
Daha bir təmsilçimiz “Qəbələ” də ilk “yüzlük”də qərarlaşıb. Roman Qriqorçukun komandası 97-ci pillədə qərarlaşıb - 125 xal. Bu mövqeni “Şkendiya” (Albaniya), “Rusenborq” (Norveç), “Əl-Əhli” (İordaniya) ilə bölüşən “qırmızı-qaralar” “Çelsi” (İngiltərə), “Beşiktaş” (Türkiyə) və “Marsel” (Fransa) kimi məşhurları arxada qoyur.
 
Ötən il 116 xalla 124-cü pilləyə şərik olan “Qəbələ” 27 pillə irəliləyib. Bu, 9 xal qazanmaq sayəsində mümkün olub.
 
2016-cı ilin yanvarında 92 xalla 192-ci yerə şərik olan Bakı “İnter”i isə İFFHS-in siyahısını tərk edib.
 
Cədvələ Kolumbiyanın “Atletiko Nasyonal” klubu başçılıq edir – 383. İspaniya nəhənglərindən “Real” 310 xalla 2-ci, “Barselona” 280 xalla 3-cü yerdədi. (APA)

Система Orphus Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru