Sorğu

Kürdüstan referendumundan nə gözlənilir?

İraqın bölünməsi
Vətəndaş müharibəsi
Nəticəsiz qalacaq
Referendum keçirilməyəcək

Xəbər Lenti

İnfografika

Arxiv

07 Yanvar

2017
12:32
1012
`Atası Nurayı zorla almaqdan imtina edir` - atanın iş yerindən açıqlama

"Əvəz Bayramov qızı Nurayın düşdüyü vəziyyəti görüb onu zorla almaqdan imtina edir”.

FaktXəbər-in məlumatına görə, bu barədə "Bakipost"-a Əvəz Bayramovun çalışdığı 5 saylı doğum evinin anestezologiya reanimasiya şöbəsinin müdiri Qəhrəman Kəngərli məlumat verib.

Onun sözlərinə görə, Əvəz həkim yoldaşının rəhmətə getməsinin ili tamam olandan sonra 6 il ərzində 21 məhkəmə udub ki, uşağını götürsün: "Məlum hadisədən sonra Əvəz Bayramov iş yerinə gəldi. Bizə bildirdi ki, bəlkə artıq uşağın gəlməsi məsləhət deyil. O bildirdi ki, "bu dəqiqə Nurayı gətirib mənim evimə belə qoysalar da, istəmirəm. Çünki mən uşağımın aldığı travmanı gördüm”. Bildirdi ki, uşağı onun haqda tamamilə başqa fikirdədir. Əvəz həkim dedi ki, mən öz uşağımı öz əlimlə öldürə bilmərəm, bundan sonra nə uşaq, nə də başqa bir şey istəyirəm. O, uşağın düşdüyü vəziyyəti görüb onu zorla almaqdan imtina etdi. Uşağın 17-18 yaşı olanda ona yaxınlaşıb hər şeyi başa salar. O uşaqdan heç nə istəmir. Sadəcə uşağının həyatında iştirak etmək istəyir. Hətta xalasının evində belə qalamsına razıdır. Amma yalnız uşağı ondan ayırmasınlar”.

Əvəz həkimin Nuraya aliment verməkdən imtina etməsi məsələsinə gəlincə, şöbə müdiri bildirib ki, deyilənlər yalandır: "Uşağın hər ad günündə, bayramlarda və ayrıca hər ay maaşdan ona pullar göndərilib. Bunun qəbzləri də var. Biz sübut edə bilərik”.

Qeyd edək ki, sosial şəbəkələrdə Quba Rayon Məhkəməsində məhkəmə icraçılarının 10 yaşlı Nuray Bayramzadənin onu böyütmüş xalasından ayıraraq atasına verməsini özündə əks etdirən görüntülər yayılıb. Belə ki, azyaşlı Nuray ona bu günə kimi atalıq etməyən bioloji atasından imtina edir və onu böyüdüb boya-başa çatdıran xalasının yanında qalmaq istəyir. Buna baxmayaraq Nuray zorla alınaraq atasına verilir.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru